[بلخياطي]

تابع لقصيدة الوقتية للشيخ عمر المقراني

ضاقت روحي يا مثالة = جيت نبه في الجهالة
قلت لهم كونو عقالة = واحجبو لبكار
انتقرو شينين الحالة = وذنيهم كبار
قالو بعض الناس دوانه = ما همشي ملي يحبونا
انتوما لي أخرتونا = بعمايم كبار
قلت لهم ما كمش لدانا = سيرتكم فجار
الني سيد الرجالة = تقدم بكتاب المولى
القرآن لي أنزله = من عند الجبار
وانتصر برجال فحولة = وقهر الكفار
الرسول امام الرسلة = نزلت عليه الرسالة
خبرنا بكل مسالة = والجنة والنار
خمم وين تروح قبالة = بينهم اختار
من يهرب من الحق نقولو = داير الباطل في بالو
يوجده نهار سوالو = يقراه بلسطار
والأملاك شهود قبالو = ويخلص ما دار
نحن امنا وسلمنا = ربي والنبي صدقنا
نعملو بالفرض والسنة = مسلمين احرار
ماشي بالجيبة والخانة = وصبيغة لضفار
بارك الله في البادية = نشكرهم في كل ثنايا
ما يبغوش العيدرية = في وسط الدوار
الطلفة تبقى محضية = محجوبة في الدار
وانتوما بدعتو ذي العادة = سيرتكم ماشي محمودة
الطفلة تمشي كالعودة = تلعب بين امهار
ويقولو هذي منقودة = واهلها شطار
بنات المدن انصقعو = ارماو التلحاف وبدعو
دارو الميني جيب انخلعو = ساقو للكفار
والجايح طوال ذراعو = كان غلب حقار
العيداريات انحمقو = عراو البيطان نحرقو
وصدور عرايا ينعشقو = عندك ما تختار
بعيون صرادة يسرقو = عقل لي صبار
والدنيا هماج ملاين = دارو مركزهم في التبارن
يخرجو في الدين ملاعن = ويسبوه جهار
ما فيهمش لي متيقن = بعالم لسرار
ودرهم ابليس الفاسد = ومنعهم على المساجد
لا صلاة ولا من يعبد = مولانا القهار
لاقيهم نهار الموعد = يا معتاه نهار