وصلة كل ليله و كل يوم 1966
من احلى تسجيلات هذه الاغنيه فعلا
و انا اسميها وصله يا سمسم افتح
لاحظوا خفه ظل و حضور الست على المسرح
فبعد ان انهت الاغنيه عادت الكوبليه الاخير
و سمسم فتح الستار عن كنز طبعا
و قالت الست ( و لمست النجوم حواليا )
ايه الجمال ده يا ست طيرنا معاكى فعلا لحد النجوم
بمجرد كلمات بسيطة تلهب شعور الجمهور
يا بخت كل من حضر و لو حفلة واحده لهذه الاسطورة
و كمان عندى ملاحظه فى اعاده الكوبليه الاخير
لاحظوا سلطنة الاستاذ عبده صالح
فهذه الحفلة تخلو من العواد لانها قبل وفاة الاستاذ الاصبجى بكام يوم
و سيد الموقف كله الاستاذ عبده و فى الكوبليه الاخير ابدع
اسمعوا و لا حظوا الجمال و السلطنه
الست طارت بصوتها للنجوم و هو لمس النجوم بلمسات القانون
اسف على التطويل اردت فقط ان اشير لوصله الخميس الاول من شهر مايو
فاقد نوهت عنها الاذاعه انها سوف تكون وصله انت عمرى لاول مره
نرجو ان تكون احدى حفلات المجهود الحربى المفقوده من الاسكندريه او دمنهور
او حفل من حفلات لبنان