هوه إحنا مين؟
السؤال لو يِتْسِئِل
الجواب ييجى مالوهشى دعوة بيه
و الأمور لو تِتْعِقِلْ
تلقى نفسك ويَّا كل الناس فى تيه
مين و ليه و إزاى و فين؟
و الجواب ياخد سنين
و إحنا ماشيين تعبانين
و إحنا نايمين تعبانين
نومنا بيغُط فى أنين
مجروحين ... مدبوحين
و عنينا بِتْبُصْ بأسى
و رجاء حزين
يا رب إرحم ضعفنا
نَجِّينا من قسوة إيدين السجانين
اللى نسُّونا بتعذيبهم لنا
هوه إحنا مين؟
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس