قصيدة / مات الحب
للشاعر / السيد نورالدين جاد الكريم
...
فاكر لما رسمت الدمع
وكان بأيدي أجمل شمع
لما ساعتها قلت خلاص
مات الحب مفيش إخلاص
انا هبعد وأختار لي طريق
وافتكريني في وقت الضيق
وانا رديت وقلت حرام
ننسي غرام أجمل أيام
ازاي هنسي غرامي معاك
انت تروح وأنا أموت في هواك
فاكر لما أهديتك فرح
وانت أهديتني منك جرح
قلت في يوم يرجع ويعود
لكن الصبر بقاله حدود
مش عايزاك ولا افكر فيك
انت رمتني وانا هرميك
روح وخلاص الله يسهلك
ويسهل لي وأنسي ماضيك
....