إيه ده ؟!
هوَّ كله ورد
ورد ؟!
مافيش كيس بورتوآن ؟
،
،
،
و الله يا جماعة ، أنا مش عارف إيه اللي خلاّني قلبتها عيادة بالشكل ده ؟!
يمكن علشان كنت لسة راجع من العيادة !
و كانت نتايج التحليل على بالي ، دخلت سماعي لاقيت أستاذنا الدكتور ثروت ، فاتح الموضوع ..
فالتهمت ، فرحتي به ، كل الوساوس ... ولولا سيّد عيوبي: البوح كتابة ً ، لما جرت على لساني الشكوى
و حشاي أن أشكو المُنعم سبحانه و تعالى ..
،
،
،
المهم في الموضوع ، إني اكتشفت حقيقة ما كنتش واخد بالي منها:
إن السكر و الكلوسترول ، ممكن يصيبوا حد شبه نباتي زي حالاتي ، و مش أكول و بيشرب الشاي و القهوة من غير سكر ..... من الآخر مابيحبّش من الحلو غير الكلام
و دي فرصة ، مجانيّة ، أسأل فيها الكنسولتو المنعقد هنا :
يا دكتور أنس .... يا دكتور درويش ، هوّ الكلام الحلو بيرفع نسبة السكر في الدم ؟ (مع فرض إن اللي بيسمعُه ... عنده دم)
،
،
أنا فرحان خالص برجوعك لسماعي يا دكتور محمد يا حبيبي من زمان ، بس كنت عايزك لما تعدّي على دسوق ، تذكرني عند سيدي ابراهيم
و بعدما تخلص الزيارة ، تاكل قد نص كيلو فسيخ نباراوي بالنيابة عني أنا و اخويا الكبير الباشمهندس محمد علي
(بعدما كشفلنا عن ذائقته المصرية في الأكل)
ربنا يجعلنا ضيوفك بمطوبس يا دكتور ، مش هنكون كتير ، يادوب:
أستاذنا الدكتور ثروت و سيدنا الدكتور أنس ، و اخونا صلاح علام و اخونا محمد ماضي ، و اخونا رضوان حسن ، و أستاذنا رائد و أستاذنا و اخونا الكبير الباشمهندس محمد علي (قناديلي)
إوعى تكرهني يا ابو درويش ، و احمد ربنا إني دخلت ارد قبل الزحمة
* * * * *
أعتذر عن تأخري في الرد ، لانشغالي بمراقبة السكر و الكلوسترول (مش عارف اشوفهم علشان اراقبهم)
و ليس لديّ طاقة بمداراة سعادتي التي نشرها الدكتور ثروت على أرجاء وجداني ، كوني محل انتباهةٍ من حسن ذوقه
__________________
أستغفِرُ الله العظيم وهو التوّاب الرحيم