يسرني أن أقدم لكم نموذج من المونولوج الليبي
الشاعر محمد المريمي
مواليد مدينة بنغازي 1926 م
.................................
أنا مرة شريت سيارة
زلبحني تاجر غشيش
قاللي راهي تطير طيارة
خلي بالك ما تجريش
كان تبي تسلم و تعيش
عيالي ياما فرحوا بيها
ذبحنا حولي سمين عليها
جيت في الصبح أنولع فيها
قالت نولع ما نبيش
جبت اسطا للكشف عليها
قالي هذي ما تمشيش
زلبحني تاجر غشيش
---------------------------------------------------------------------------------------------------------------------------------------------
2
بوها معاي اجبر
وين جيت نخطب فيها
وين قلت له يا سيدي
شوف حالي و خوذ بيدي
قال لي وراس وليدي
بالرخص ما نعطيها
تصور حق ولية
يفوت الاربع ميه
نشري له حوش بضيه
وتاكسي تكسب فيها
قال فريد الاطرش
وحداني كده عايش
قولوا لي بيش ندايش
شهريتي نصرف فيها