[عبدالكريم فتاح]

ــــــــــــــــــــــــــــــــــــــــــــــــــ ـــــــــــــــــــــ
دنيا يادنيا
ماكفايه اللي جري
راجل وملو هدومو
في البيت حكماه مره
ـــــــــــــــــــــ
روح عندو بص وشوف *****لم يقابلك يسلام *****لابيسترجل ولا بيفوق
تلقاه خايف مكسوف*****زي بتوع الأفلام *****سايب لها الزمام مطلوق
هيا تقابل الضيوف*****واخد الرجاله كلام*****وبتاخدو معاه السوق
وهو يرش المنضدره *****وشياكه ومنظره*****وبتعمــــــلو قنطره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
أحنا في زمن زمن الستات أنتها زمن الرجاله وراح
رجاله عاشو كم الأموات بس النفس مالي الأشباح
كنا زمان علي الست نقول دي ضعيفه ومكسوره جناح
اليوم صبحت تقول وتطول تتربع والراجل ينزاح
تأمر يقول سمع وطاعه علي كيفها واللي تقولو مباح
لوحب يتمرد ساعه تعملو تأديب وأصلاح
ويقضي ليل أطول من شهر تحت النجوم في برد كياح
والنجم بتوريه في الضهر دا لو طلع لليل صباح
فعلا يسلم ويستسلم ويتجرد من أي سلاح
وتقولو لوجاء يتكلم بطل ياغراب البين نواح
ولو مبطل يشبع ضرب ويبكي بدمع الفضاح
لوحب يعمل تزقيه شرب يروح يشوفلو طبيب جراح
عايش حياتو تقول أله شغاله بطاله بمفتاح
مسكين وحالتو بقيت حاله عايش في ضيق مش لاقي براح
مسكين معيشهافي أفراح
يشحت من الناس سجاره ويجبلها معسل تفاح
في البرد شقيان بيطلع في الفجر شقيان بيطلع يكافح لسعادتها كفاح
هيا في دلع تلبس وتقلع علي كيفها والبرفان فياح
دا مفيش ولا راجل مرتاح
من الهم صبحو خلاص ضيعين جالهم ضغط وسكر وأملاح
تلقي الراجل ضعيف مهزوز في حياتو مايحققش نجاح
ويموت عليه الرحمه تجوز ونقراء الفاتحه الأرواح
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
الفنان ياسر رشاد عبدالعال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
رغــــــــــــــــــــــــم حــــــــــــــــــــــلاوه الماضــــــــــــــــــــي عايـــــــــــــــــــــز
أنســــــــــــــــــــــــــــــــــــــــــــاه