[سيادة الرئيس]

حادخل في الموضوع من نصه

و ما اكدبش على حضرتك أول ما قريت العنوان ( دور إنت فاهم ) و بعد الإعتذار على الإستماع المتأخر
دوغري جريت عشان أسمع الجزأ ( ما قبل الهنك ) على ( ليه يا قاسي تذل قلبي .. ) لقيت سلاسه ما بعدها سلاسه في أداء ( سينكوب زكريا اللئيم ) إطمنت وداني و رجعت من الأول و استمتعت أيما استمتاع بأدائك الرائع إللي بصراحة جزأ كبير منه ضاع بسبب ( من غير زعل )

- التركيز في نطق اللهجه بشكل سليم

- طبقة منخفضة خسرتنا الإستمتاع بقدرتك على الأداء في منطقة أعلى منها

- رهبة ( بعض الشئ ) و مش عارف سببها يمكن كان في الصالة ( عتاة سمع )

فإذا أخذت في الإعتبار كل ما قد سلف فأنا أمام صوت أصيل و ما شاء الله عليه ربنا يبارك لك فيه و في إنتظار ( طلبات عمنا الدكتور أنس ) و أزيد عليه إذا تفضلتي ( عشنا و شوفنا )

بارك الله فيك و في الخضراء