ماليش عنوان
أنا عصفور .. بقلب أبيض ..و ألف لسان
أطير على الكون .. أغني للسلام، للحب، للأنسان ... في كل مكان
عنواني سطور منقوشة بالأحلام
قلوب بتدق يجمعها أمل بسام
في ناس تتمنى خير للناس مدى الأيام
أغني .. أبتسم .. أبكي.. دموعي تغسل الأحزان
خطاوينا مراكب شوق تدور بينا
تشرق يوم تغرب يوم .. ترسينا
و لما الموج يعاندنا و يرمينا
صدى صوتي في نص الليل يكون مرسى و بر أمان
في أي مكان .. ده بر أمان
و دنيتنا يوم ما نضم يوم ايد على ايد
جنينة ورد هتفتح في ليلة عيد
تسعنا بالأمل و الحب و الأغاريد
أنا العصفور على الأغصان
أنام و أطير فرحان
في كل مكان أطير فرحان .. في أي مكان
أنا عصفور بقلب أبيض و ألف لسان
أطير على الكون .. أغني للسلام، للحب، للأنسان ...
في كل مكان .. ماليس عنوان
تغسل الأحزان
ده بر أمان
|