عمّي محمد ..... يا ألاتي ..... يا مزكاتي ..... يا مغنواتي .... يا مفعلاتيأيوة انتَ يا عم انتَ
إيه ده بئى ده ؟!
إنتَ كنت فين يا عم انت لما قلت: انا عيّان ؟
إنتَ كنت بتضحك علينا يا عم ...
إنتَ ما كونتش عيّان و لاحاجة ، إنتَ كنت مُعتكِف مع معبد و زرياب
إنت كنت بتدبّر لنا مكيدة طربيّة ...
إنتَ عايز تعمل فينا إيه يا عم انتَ ؟
إيه الافترا ده ؟ ،
ما اسمعتش الشيخ في خطبة الجمعة و هو بيقول:
إستغلال ضعف أخيك ذنبٌ بحاجة إلى استغفار ؟
طب استغفر ربنا بئى على البهدلة اللي بهدلتهالي دي
،
،
نوعه إيه الأنتي بيوتك اللي كنت بتتعطاه أثناء اللي ما تتسماش الأنفلونزا ؟
عايز اعمل دماغ أنتي بيوتك
،
،
عمّي محمد
محمد عبد الوهاب مُطربي الأول منذ أن خلق الله لي جهازاً سمعياً
عارف ليه؟
لأ... مش : من غير ليه !
لإنه كان مُطرب ابويا الله يرحمُه
و كان محرّم علينا نِسمَع عبد الحليم حافظ ، علشان "مِسَهوك و منزل شعرُه على ودانه" ...
ماليش دعوة أبويا اللي كان بيقول كده
و ما سمحش لعبد الحليم يدخل بيتنا إلاّ بعد ما مات !
،
،
،
كنت و انا بشتري لابويا الجرايد ، أفتحها بالوِرب - خلسة- علشان اعرف فيلم العصر بتاع مين؟
لو كان فيلم لعبد الوهاب ، ألاقي الدنيا : بمبي ... بمبي ... بمبي
و العيال يتريأور عليّ علشان بحب عبد الوهاب ، و يقلدوا ضحكته الخشبيّة إياها
* * *
**
*
عمّي محمد ....
( ( ( أنا احبك ) ) )
سؤال:
أسئلتي كِترت اليومين دول ، معلش
الإيقاع ده ، إسمه إيه ؟
عامل زي الفالس
.