[رافت المصرى]

الوطن فرحه ترفرف ع الحبايب فى اللقا
لهفه تواعدك بالامانى المشرقه
سلسال حنان عبيره فايح فى المكان
وادان ما بطل شر عدل و زقزقه
الوطن صحبه و ركوة شاى وقعدة مصطبه
وعيون تقابلك الف اهلا مرحبا
و نصيحه تطلع م القلوب الطيبهطيبه تملا عروقك شقشقه
الوطن بنتى و بنتك راحو جم م المدرسه
ما سمعوا الا كل كلمه كويسه
ما شافوا الا كل حاجه كويسه
وشباب همومه ربو قبل المرزقه
الوطن فاروق و خده ع التراب و سط الخل
من غير حرس اكمنو حل المسأله
تاجر يبيع العيب فى توبه اولا
مش فهلوا وتلبيس عمم او دقدقه
الوطن شىء اسمى من انه مساحه او حدود
ناس لفظهم من بوقهم طالع ورود
الوطن انك تحس انك كيان موجود
و صوتك مش ف حبل المشنقه