[سالم الطبرقي]

ســـــلــــف مـــــــــردود

كلمات حسن ألفاخري " الألحان والتوزيع الموسيقى والتنفيذ والمكساج أحمد فكرون "

سلف مردود سلف كيف الصاغ المنقود سلف مردود


سلف فيه اقصاد ومقصود سلف جاني من غنايين


سلف لاقيته دون الرود عرب بالشينه مغنومين


فلان فلان النود النود عرموم حساد عنيدين


لهم من ميلود لميلود عرب يا ناري منقرضين


مغير جواجي تحت جرود أجعنهم فحمة كوم عوين


أجعن باب غناهم مسدود أجعنهم قدام الحيين


قليليين الزرع وهبود كما اللي حرك لغم المين


وم الساعة تك البارود كبايا ردوا مكسورين


كما طايح عظمه مقنود تدقديق قران موزين


جفل حاشيهن يوم ورود كما اللي عند الموالين


ورد بالنقضه يوم عمود أربع مايدور الصفارين


شهر في اللي قبل الميلود علي بو فلاقه مسكين


نطق لا ناشد لا منشود بحث بحثة تيس لسكين


اللي فيه الجزار يقود خصوصاً لي كان قرين


مغير رقادة ريح وهود المسلم لا طق الستين يتوب


وكان بخيل يجود وهو وين اشرف ع السبعين قدع


رد مع الجهل ردود لنوار الشيب تسودين تقول


يغري في كرمود ويركب في اشنابه تدهين


ويطلاهن نغج وبارود ومحرمته فيها هذين


دبش واتي ديما مجبود ثلاث مكاحل ومراتين


ومرود عاج ومرود عود يغوص في كل كوازين


يجي قايد ويجي مقيود وينشد ع الهجاله وين


اللي متبع واللي جلمود لبكره مسع دار خزين


كمل عمره تسويف كنود يصبي بين الصفاقين


وزايد ع الصف بعلود يقول لبو دور عراجين جضاري


جالن ع المقصود خذا مني ها الجرانين عطاء الله


بغير حسود غبا يقعد قرنين سنين وهو مرفود


كما منهل جا تحت غرود