[كمال عواد]

المشاركة الأصلية كتبت بواسطة الألآتى

وينفرط من بين إيدينا الزمان .. كأنه سحبة قوس فى أوتار كمان

وتنفرط الأيام عود كهرمان .. يتفرفط النور والحنان والأمان

وينفرط من بين إيدينا الزمان

الشر شرق وغرب داخل فى حوشنا .. حوشه لاريح شاردة تأشأش عشوشنا

حوشوا شرارة تطيش تشقق عروشنا .. وتغشنا المرايات تشوش وشوشنا

وتهيل تراب ع الهالة والهيلمان

وينفرط من بين إيدينا الزمان .. كأنه سحبة قوس فى أوتار كمان

وتنفرط الأيام عود كهرمان .. يتفرفط النور والحنان والأمان

وينفرط من بين إيدينا الزمان

الغش طرطش رش ع الوش بويا .. مادريتش مين بلياتشو أو مين رزين

شاد الزمن وشين موش شكل أبويا .. شاهت وشوشنا تهنا بين شين وزين

ولسه ياما وياما حانشوف كمان

وينفرط من بين إيدينا الزمان .. كأنه سحبة قوس فى أوتار كمان

وتنفرط الأيام عود كهرمان .. يتفرفط النور والحنان والأمان

وينفرط من بين إيدينا الزمان

استاذنا الغالى استاذ محمد...اشكرك اولا كل الشكر على اهدائك

الغالى...وهحاول بكل قوتى انى احفظها..بس ايه الكلام المعفرت ده..ياعم ده نهاية المسلسل اسهل(هههههههه)...دنا مسدات فهمت

كلام النهايه...بس هذاكر الاول...ومن كل قلبى اشكرك
اذاكرها دى ضرورى جدا........انا دلوقتى حملت الملف وبسمعه...لان رديت عليك قبل التحميل...لكن بعدما سمعت صوتك..فى الكورال ونسنى واسعدنى...
روعه تنفيذك رائع للغنوه..حقيقى قريب جدا جدا للطعم الاصلى تسلم والله العظيم........تسلم ياملك الموسيقى