اسأل روحك .. حبٌ ضائع بين قلبٍ قاسٍ و آخر تعلم القسوة !
حب إيه اللي جاي تقول عليه ..
انت عارف قبلة معنى الحب إيه
،،،
ما تصبرنيش بوعود و كلام معسول و عهود
ما تصبرنيش ما خلاص أنا فاض بيا و مليت
لغة جديدة و تعبيرات أكثر واقعية .. جاء بها الشاعر عبد الوهاب محمد ، قد تبدو غريبة أو صادمة إذا ما قورنت بما اعتادت أن تغنيه أم كلثوم
لكن لا شك أن هذه اللغة أتاحت لعبد الوهاب محمد و أم كلثوم معاً التطرق لموضوعات جديدة و التعبير عن مشاعر أكثر جرأة و واقيعة ، في أغنيات ذات طابع خاص ، و قد استقبل الجمهور تلك الأغنيات بترحاب .. و لمَ لا و هي لغته التي يستخدمها يومياً في معاملاته !
فأذنك تألف أن تسمع تعبيرات مثل " كلام معسول " ، " فاض بيا و مليت " أو حتى " اسأل روحك " و " للصبر حدود " لكنك أبداً لن تسمع أحداً يقول ضمن كلامه " يشجيك أنيني " أو " سمير الأمل " !
فالأزمنة تختلف و معها الثقافات و الأفكار فكيف لا تختلف لغة التعبير !..
و الفنان إن لم يكن لديه جديد يضيفه فليترك الساحة لغيره .. فما الفائدة من أي فنان إن كان نسخة مكررة من فنان غيره مهما كان قدره ؟!..
و هذا قد يفسر سبب فشل العديد من المطربين الذين امتلكوا أصواتاً جميلة لكنهم عاشوا على أطلال إبداعات العظماء دون أن يكلفوا أنفسهم عناء البحث عن الجديد في الكلمة أو اللحن .. فهؤلاء لن يذكرهم التاريخ !
أما شاعرنا عبد الوهاب محمد فقد كان يملك تلك الإضافة و كانت له رؤيته الخاصة : ففي كل أغنية كان يقدم فكرة جديدة ، مما ضمن له حضوراً خاصاً بين معاصريه من الشعراء .
و التجديد في الكلمة و اللحن هو أمر طبيعي بل و ضروري .. فليست الحياة في العشرينات كما هي في الخمسينات أو السبعينات و بالطبع ليس كما هي الآن !..
لكن المهم ألا يقودنا التجديد أو الرغبة في النجاح إلى الإبتذال .. و الفن إن لم يكن جميلاً و يدعو للجمال و يسمو بنا إلى أعلى فليس من الفن في شئ !
موعدنا اليوم مع اسأل روحك .. كلمات عبد الوهاب محمد و ألحان محمد الموجي
اسأل روحك
اسـأل روحك .. اسـأل قلبك .. قبل ما تسـأل إيه غيّرني
أنا غيّرني عذابي فـ حبك .. بعد ما كان أملــي مصبّرني
غدرك بيــا .. أثــر فيـــا ..
و اتغيـــرت شويــة شويــة
اتغيــــــرت و مش بإيديـــا
و بديت اطوي حنيني إليك ..
و أكره ضعفي و صبري عليك
و اخترت ابعد .. و عرفت أعند
حتى الهجر قدرت عليه .. شوف القسوة بتعمل إيه
كنت زمـــان بلاقيك بحناني .. بحر محبة و بر أمـــــــان
كنت باحس ان انت زماني .. يومي و بكرة و بعده كمان
كنت باشوفك بعيون حبـي .. و انت بعيد أو و انت بقربي
أقــرب من بسمتي لشفايفي .. أقــرب من إحســاسي لقلبي
بعد الــود اللي راعيتهولك .. بعد الحـــــب اللي وهبته لك
بعد العمر اللي انا عشته لك .. فيه إيه تانــــي أقدمهولك ؟
أنا مانسيتش الحـــب و عهده .. و لا أيـــامـــه و لا لياليه
أما ان كان ع الحب لوحده .. من غير هجـــرك أهـلاً بيه
أنا حيــرني هواك ..
و انـــا علشان انساك
بابعد عن كل مكان ..
رحته و لو مرة معاك
و اهرب من أقرب ناس يعرفوا قصتي وياك
و باغيـــر أي كـــــــلام بيجيب سيرة لذكراك
وصلتني للحـــال ده بإيدك .. بعد ما كانت روحي فـ إيدك
سبتك و مفيش حد في عمري .. يشغل بعدك قلبي و فكري
سبتك من غير حتى ما أفكر .. حأقدر أسيبك أو مش حأقدر
إسأل روحك .. إسأل قلبك .. قبل ده كله اتغيروا ليه
أنا غيرني عذابي ف حبك .. لكن انت غيّرك إيه؟
هو حناني عليك قسـاك حتى عليا ؟
ولا رضايا كمان خلاك تلعأب بيا ؟
ولا تسامح روحي معاك غرّك بيا ؟
أنا يا حبيبي صحيح باتسامح .. إلا فـ عـــزة نفســــــي و حبي
و اما يفيض بي ما باعرف أصالح ، و أعرف آجي كتير على قلبي
غدرك بيا .. أثر فيا
و اتغيـــرت شوية شوية .. اتغيــرت و مش بإيديا
و بديت أطوي حنيني إليك .. و أكره ضعفي و صبري عليك
و اخترت أبعد و عرفت أعند .. حتى الهجـــر قـــدرت عليه
و انت يا عيني .. لو في مكــاني كنت حتعمل غير كده إيه ؟
اسأل روحك