[عفاف سليمان]

فقلت لها مش هينفع كده
انا راح اعمل لك ورق عنب اصلى مصرى
ومحشى انواع اخرى
ولما جاء العامل جاب طبق فيه يجى 5 اصابع ورق عنب
فتذوقت منه واحده لا ليها طعم ولا فيها اى نوع من خضرة المحشى
فصممت انى هعمل لهم غدا محشى
ووفعلا الحمد لله
عملت محشى ورق عنب وكوسه وبذنجان وفلفل وملوخيه
واتفقنا اننا نروح حديقة الازهر بعد القلعه بتاعة محمد على بشويه
وهذه الحديقه جديده على مساحة افدنه عديده
وجميله جدا وتقدر تشوف مصر كلها
لانها تعتبر فوق قمة القاهره مثل القلعه كده وفعلا
وانت واقف فيها ترى جميع المنازل ومصر كلها تحت
وزوجى فى اليوم ده مراحش الشغل
قلت فرصه انه يوصلنا بالعربيه للحديقه
واخذنا اخونا جمال وزوجته من امام كازينو قصر النيل
وذهبنا الى الحديقة الازهر
وطول الطريق وانا اقول للعيال انا شامه ريحة الملوخيه
حاسه انها ادلقت فى شنطة العربيه
ومى تقولى وانا حاسه بكده بردوا
ووصلنا للحديقه وجلسنا على النجيله الخضراء وطلعت الاكل
وفعلا الاقى الملوخيه مدلوقه ومش فاضل منها غير يادووووب 2 طبق
على قد اخى جمال وزوجته
وكانت اول مره يتذوقوا الملوخيه
وعجبتهم بالهنا والشفا واكلنا المحشى والحمد لله
وكانت هذه اول طرفه دلق الملوخيه بس لحقناها
وتعوض المره الجايه ان شاء الله
وان شاء الله راح احكى لكم باقى المواقف والطرائف التى حدثت معنا
خصوصا واحنا بنركب التاكسيات
او طريقة كلام اخى جمال