[بديعه أحمد على]

من شهر تقريبا اتفرجت على فيلم (سحر ما فات فى كنوز المرئيات) من انتاج قناه دريم فيلم رائع طبعا و تجربه فريده للافلام التسجيليه و مليان فعلا نوادر لكن اللى لفت نظرى انهم ختمو الفيلم (التتر الاخير) باغنيه وطنى و صبايا و احلامى ... حد عارف مين اللى غنا الاغنيه دى و صوت مين اللى الفيلم ختم بيه كل التاريخ الجميل ده؟ طبعا الفنانه الجميله نجاه الصغيره عملت الدويتو ده مع فنان كان صاحب صوت واعد وقتها جدا اسمه يا جماعه (عبد الرؤوف اسماعيل) الراجل ده كان معانا فى الكويت ربنا يديله الصحه والعافيه ما عملش غير الاغنيه دى و طفش من مصر هو دلوقتى مفتش أو مشرف تربيه موسيقيه فى الكويت و كان صاحب الوالد و الوالده و اللى عرفته من الوالد الله يرحمه ان الاستاذ عبد الرؤوف اسماعيل اتحارب على طول اول ما صوته طلع من عبد الحليم و خدها من قصيره و سافر
المنافسه كانت شديده قوى فى العصر ده لكن و انا باسمع الاغنيه برضه سرحت و قلت ادى عبد الحليم حاربه و خلاه يسيب البلد و ما غناش غير الدويتو ده مع نجاه لكن العمل ناحج و بيفرض نفسه فى مناسبات كتيره و صوته مسموع لدلوقت و بكره و فى اى وقت فى النهايه لا يصح الا الصحيح
مع تحياتى بس حبيت اوصل معلومه
اختكم فى الله
بديعه أحمد على

المشاركة الأصلية كتبت بواسطة رضا المحمدي

نعم أستاذة بديعة

وهذا الامر ممكن اؤكده في لقاء فريد الاطرش بعبد الحليم حافظ
عندما وقعت قطيعة بينها بسبب مقال نشر في الصحف
مفاده ان عبد الحليم يتربص فريد في كل حفلاته ويقصد اقامتها في نفس التوقيت وبنفس المسرح
معتمدا في ذلك على متعهد حفلاته
وهذا الامر تم نفيه من الطرفين بعد ان التقيا في برنامج سجل مفتوح بلبنان
لكن هنعمل ايه ؟؟؟؟؟؟؟
تبقى الصحافة مصدرنا الوحيد الذي نستطيع من خلاله تتبع أخبار الفنانين
شكرا لك اختي الفاضلة مرة اخرى

وتحياتي الى الاسرة الكريمة