الدخان...كلمات محمود صابر الخطيب
الدخـــــــان
حقى التاريخى فى الوطن .. مش محتاج دليل
من بدايه نشأة الارض عايش انا والنيل
وجه واحد هوه وجهى ..
والنهايه ميّتى من روان .. اوسلسبيل
وانتو.. انكلستوما فى الجسد ..
نفسها تنهى على الامل الجميل
...
صعب جدا انكم تنهوا عليّا ..
ياوجوه لاهى شرقيه ولا غربيه
ياجنس خارج عن حدود الانسانيه .
تكنولوجيا العصر ممكن تملكوها ..
واما احاول اخطى خطوه بتسرقوها ..
وتسيسوها .. وتحولوها لكام قضيه .
شعبى انا محمود .. وصابر ..
وساعه الجد يبقى قعقاع القادسيه.
...
بطّلوا بقى الاعيبكم وسيبكم من النسيان
واما افكر انى اسيبكم .. ده عشان انا انسان
اقدر احافظ عن مكانى وواجهتى ..
واعدى فوق كل اشواك محنتى ..
وبكل طاقتى وقوّتى .. ازلزل العصيان
وحياة ابوكو ما تمكروا ..
وفكّروا قبل ما يفوت الاوان ..
وتصبح بيوتكم نار.. وكل الهوا دخان .
... شعر...... محمود صابر الخطيب
|