[أحمد بارود]

شاكرين زيارتِك رَوِّت قلوب العطاشى
جيتي على جناح الفَرَح ورده وفراشه
شغلنا بيكي نفسنا وسألنا روحنا
هُوَّ انتي جيتي عندنا ولاَّ احنا رُحنا
ولاَّ ده حِلم بنحلمو ولسَّه مش فايقين
شاكرين
من يو ما شفناكي سألنا ظننا
دي تبقى مين
رشة مطر؟
ورده وقمر؟
يمكن شموع؟
يمكن ربيع؟
احترنا مش عارفين
آسفين
أسفين على الوقت اللي راح من عمرنا أسفين
ياريت تطُلّي كل يوم .. رُدّي السلام
قول كلام..
صوتك نَغَم وهديل حمام
وبلاش تغيبي عنّنا
غيابك ضنى
وحنا مشتاقييييين
شاكرين