[ناصر دويدار]

شاعري الجميل

(جاري القادم بميدان الساعة)

الأستاذ الفنان ناصر دويدار
(حبيبي الشرير)

إمبارح لما قريت رد أختنا رغد ، و بدأت كتابة مشاركة خدت مني وقت ، حاولت فيها أوضح لأختنا رغد ، أن تفسر كلامك على محمل التلقائية التي تعتمدها - أنت- في مشاكساتك (قصدي مشاركاتك ، يا أخي) ، و بعد ما كتبت كلام كتير ، شفت انها تبقى جليطة مني إني اتكلم عن لسانك و انت معانا . فحذفت الكلام إلا من التهنئة بعيد ميلادها السعيد.

يا عم ناصر ...........

من ستر ربنا إنه لا يوجد نقد منهجي هنا ، و إلاّ كنت انا أول واحد يتم حظر دخوله : المنتدى الأدبي.

و مش هطوّل عليك في توضيح الفرق بين "منتدى أدبي" على النت ، و منتدى أدبي - صالون - على الواقع . لأن الواقع إنك عارف الفرق الفارق المفروق.

حتى عمّنا كمال ، رغم ما كان ينفقه من وقته أخذاً بيدنا ، كان لا يتخلى عن شرف الصدق بقدر عدم تخليه عن المجاملة .

أحكيلك حكاية صغنونة ؟ (أصغنن منك )

من ييجي سنتين أو أكتر (على طريقة حسين رياض) ، لما انتظمت مشاركاتي هنا ، كان عمّنا كمال ، مُحتجباً في أعقاب إنتقال والدته ، راضية مرضيّة ، عليها رحمة الله. و كان المنتدى الأدبي إسمه : الأدباتيّة

و لم يكن هناك من مواضيع مثبتة إلا متصفح عمّنا كمال عبد الرحمن ، و الشاعر الغنائي المعروف الأستاذ بشير عيّاد ،

و مثبت آخر عنوانه : أعمال الأديب ، فلان الفلاني (و الله ما فاكر إسمه) و كانت تلك الأعمال عبارة عن : جمل عاميّة مرصوصة جنب بعضها . كان يصنفها على أنها : قصص قصيرة !

فلو تبعنا طريق المعادِلات (بكسر الدال) ، لكان ما تراه الآن من كتابات : نهضة ثقافيّة.

أمّا بالنسبة للأخطاء الكيبوردية (كما أحب أن أسمّيها) ، فإني أفضل أن أتهم بعدم غيرتي على اللغة العربيّة ، على أن أتسبب بإحراج مخطئها . إلا أن يكون نصاً : قرآن كريم ، حديث شريف ، شِعر من تراثنا ... إلخ ،

فكنت أرسل وصلة الموضوع مع اقتراح التصويب إلى الدكتور أنس أو الأستاذ صلاح علام - عبر الخاص . لامتلاكهما امتيازات إداريّة تيسر لهما ذلك ، من ناحية . و من ناحية تانية إنهما يتحملان إزعاجاتي .

،
و بالنسبة لمشاركتي اللي اختصرتها في التهنئة بعيد الميلاد ، كان فيها طب من أختنا رغد . و سبحان الله ، لاقيتك بتكرره بالنص: أن تعيد قراءة مشاركتك على خلفيّة ان انت مش شرير .

علشان الليلة دي تتلم ، و نشوف حاجة تانية نكتبها : مفيدة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,
بص يا عم أبو زهـدة فى مجاملة على طريقة عبد السلام النابلسى (انا هوّصلك المجد) يقوم باعت عبد الحليم حافظ على السجن وزيادة انزحة منه عايز روب دشمبر وفى مجاملة على طريقة (دحرجة الزبون) لحد ما يبقى زبونى فى الدكان أزاى هقولك مثلاً: انت احسن واحد فى مصر ياكل سمك بورى وانت اشيك شاب يلبس جلابية مخططة وانت ليك عندى حتة كرافتة حتاكل من قميصك العنابى حتة وانت فاهم الباقى المهم الزبون يحس انه احسن واحد فى الدنيا ويبقى زبون مستديم وفى مجاملة غريبة ومريبة وخطيرة من عينة ان انا عينيا سودة فا واحد يكلمنى على انى عينيا خضرا وشعرى أصفر وعايزنى أصدق ده يبقى مش بيحترمنى وبيشتغلنى وهو إنسان أصلاً مش صادق دى حالات المجاملة من وجهة نظرى اما انت يابو السيد حبيبى وصحبى من سنيين طويلة من قبل ما أشوفك لان بينا حاجات كتيرة مشتركة دى من عند ربنا عشان كده انا برد عليك بأحتراماً ومحبة وتقدير لشخصك وإبداعك انا يابو السيد أتكلمت عن النص ولما واحـد يقول ان فى النص 10 أخطاء نحوية ويقول بعد كده انك شبه يوسف أدريس انا لقيت دمى فـار وفوران دمى مالهوش علاقة بأشخاص نهائى ده له علاقة برد فعل تجاه تراث وإبداع عبقرى غرز إبداعه فى لحم جيلى وأجيال قبلى وبعدى عشان كده كان ردى واحترامى له كشاعر رديت بهدوء أمـا الأخـت صاحبة النص (شخصنت الموضوع ) دخلتنى فى سكة تانية خالص انا بردو قدها أى سكة أتحدف فيها ماعنديش مانع لكن عايز اعترف لك انا مش زعلان من ردها اللى مالهوش موقع من الأعراب فى ردى وبستوعب ده وبعدى ده لكن انا زعلان جداً جداً بسبب أخر سطر هى كتبته لأنها دخلتنى منطقة أنسانية انا قبل غيرى بحافظ عليها لأن بطبعى ما بحبش اعكنن على حد وانا اقسم لك بالله انا بحب تعليقاتها لان تعليقاتها لوحدها ابداع وانا شخصياً معجب بخيالها وزوقها ومجاملاتها الادبية وبعدين ده رأى وانا حُـر فيه زى ما ناس كتير فى المنتدى مش عاجبهم شعرى ولهم رأى فيه اكيد هما أحرار وأنا بحترمهم جداً جداً لان القصايد بقت ملك الجميع واحنا مش حنتناقش فى (بديهيات) وانا ارجوك يا عم سيد تبلغها انها ما تزعلشى منى وحقها عليا لو وصلها انى اقصدها هى بالذات لانى مش هكلمها تانى لكن انا مصمم على رأى فى القصة ومصمم ان يوسف أبو سالم شاعر كبير لكن بختلف معاه فى رده ومصصم ان يوسف أدريس أعظم من (تشيكوف) والموضوع انتهى والحمد لله.