[Tarek Elemary]

المشاركة الأصلية كتبت بواسطة ناصر دويدار

الأخت الفاضلة كاتبة قصة دمــوع فـى شـوّارد آلَغَيِــوَِمْ...!! .
أحييكى بتحية الأسلام وأقول لكِ السلام عليكم ورحمة الله وبركاته
أختى أولاً:أنا أسمى ناصر دويدار وليس ناصر ديودار هناك خطأ لغوى فظيع ورهيب ومن الممكن أن هذا الخطأ يعرضنى إلى أزمات نفسية تكونى انتى السبب فيها لاننى وبأختصار أعشق أسمى عشق خرافى وبازعل جداً من اللى بيغلط فيه سهوا يعنى غصب عنه او متعمد دى حاجة .
العتاب الأول مقبول وهذا إعتراف منك بأنك لاتحلمى ان تكونى زى يوسف أدريس لانه مش مثلك الأعلى وهذا حقك وأنا لن أرد بالنيابة عن يوسف أدريس لأنكِ تعلمين أنى دويدار وليس أدريس وانا لم اخطئ ولم أتجاوز عندما قلت ان يوسف أدريس أعظم كاتب قصة قصيرة فى العالم اما الاستغراب فليس معك حق فيه أبداً أبداً أبداً لأنى قلت (شاعر) وعلاقتى به هى علاقة قارئ إنفعل بشاعر وكتب رأيه وعدم ذكر أسمه ليس له أى علاقة من قريب او بعيد بشخصه انا اتحدث عن شخص لا اعرفه وله كل الإحترام منى ولكن عرفت إبداعه ثم انا قلت شاعر وهو نفسه يدرك معنى كلمة شاعر ولم أقل له الباشمهندس او الدكتور او العميد اركان حرب او قائد اللواء المدرع ولكن قلت صفته فى المنتدى من وجهة نظرى لأننا نناقش إبداع ولا نناقش مهنة نستعرض من خلالها الصفات الوراثية وانا لا استطيع ان استهجن احد وانا اقل بقليل من أن استهجن احد فما بالك بشاعر ولكن انا اعترض وأقول رأى وأدافع عنه أمـام الجن وأعتقد أن هذه ابسط حقوق المواطنة .
هناك شئ مهم
يا عزيزتى لا يوجد نقد بالمعنى المتعارف عليه فى المنتدى زى ما قرينا عنه وعرفناه من أساتذتنا الكبار لكن كلها أشياء تابعة للذائقة الفنية لكل واحد فينا ولا يوجد منهج نقدى يتبعه احد سوى صديق عمرى الشاعر كمال عبد الرحمن فكتابته النقدية ترتقى إلى مستوى النص لأنـه لا ينفـعل ولا يعتمد على الرأى السريع ولكن يجلس بهدوء ويقرأ بهدوء ويكتب بهدوء على عكسنا احنا (انطباعيين)
حاجة مهمة أيوه انا قلت لسه الشعر صـاحى ولسه فى شاعر فى الوطن اسمه يوسف ابو سالم ودى فيها إيه دى فيها إدانة ليا انا قلت رأى فى قصيدة كتبها شاعر مش فى اغنية لتامر حسنى او لقطة من فيلم بنات وموتوسيكلات وده يقلل منى فى إيه انا أديته حقه كشاعر لكن كصاحب رأى انا برد عليه وإيه يعنى لما اقوله انت رجعتنى من خلال قصيدتك أقرأ شعر فصحى لأنى شوفت انه جديد والدليل على ذلك قرأت قصيدته الأخيرة ولم تعجبنى ولم أعلق عليها لانها لا تناسب ذائقتى ومفاهيمى وتوجهاتى فى الفن هل تعتبرين هذا إدانة
وعلى فكرة صلاح عبد الصبور هذا الشاعر العبقرى العظيم الكبير لا تعجبنى كتابته النقدية وهناك كتب كثيرة لصلاح عبد الصبور بعد قراءتها أستغرب ده كلام شاعر عبقرى بس الحكاية مش أنصر أخاك ظالماً او مظلوماً إيه بقى حضرتك بتستشهدى بإيه (انا مش حستشهد بأى كلام قلتيه فى أشعاره ولا حستشهد بكلامه عنك) راجعى المداخلات التى راجعتها انا بدقة وعناية ويقظة .
أما التعليق الأخر على الأمر وهو المجاملة أقرأى كل المداخلات من أصدقائى الأعزاء فأذا كان هناك نقد بالمعنى المتعارف عليه اللى إحنا درسناه وقريناه فأنا آسف جـداَ وباسحب كل كلامى عن القصة وباعتذر لك وياريت تقبلى إعتذارى عشان ضميرى يرتاح .
حاجة تانية
انتى حضرتك منفعلة جداً وبتتكلمى عن واحد تانى وكلام تانى انا لم أقل ركيكة ولم أقل الفكرة مستهلكة راجعى رأى فى القصة بس المرة دى بهدوء شوية وانا عايز اقولك من الاخر المجاملة لا تصنع مبدع بتصنع حاجة تانية المواجهة هى اللى بتصنع مبدع وحد قادر على مواصلة المشوار اما العبارة بتاعتك (مادامت رؤيته ومشاركته لم تتجاوز حدود النقد الأدبى) ف معلش أسمحيلى انى اقولك ان هناك فارق شاسع بين الرأى والرؤية طبعاً حضرتك عارفة الفرق اكتر منى اما حكاية (لله الأمر من قبل ومن بعد فى حكاية مسفوك وممر الضوء إلى الشتات ودمــوع فـى شـوّارد آلَغَيِــوَِمْ...!! ف بعد أذنك بدل ما تحدفينى فى سكة لله الأمر من قبل ومن بعد ف ده لا نقد منهجى ولا له دعوة بنقد قصة ده حيدخلنا مناطق حتزعلنا كلنا وبعدين حضرتك نشرتى القصة فا اصبحت بتاعتى فأنا قلت ملاحظاتى انتى مارديتيش على اى ملحوظة انتى حضرتك عايزة تعرفينى ازاى أقرأ القصة وبأى مفهوم وأزاى أكتب عنها وازاى اقول وازاى استخدم العبارات انتى حضرتك عايزة تعلمينى الأدب أزاى يكون اما عن المجاملات والمشاركات ف حضرتك بتردى على حاجة تانية انا بتكلم عن نفسى فى حوار مع البنات اللى اعرفهم من خلال السياق بتاع القصة العسل والجمال والحلاوة ليس لها علاقة بالفضيحة لاسمح الله وليس لها علاقة بالكواليس وانا شاعر عامية ومولود فى دمنهور فى حى بحرى ومتربى فى أسكندرية فى كرموز وعايش دلوقتى فى مصر القديمة ف أكيد فى فرق ثقافة حياتية بينى وبينك انت اكيد تكسبى انا مثلاً معجب جداً جداً بتعليقاتك وردك المبهر لدرجة خلتنى أفكر اجمع كل التعليقات اللى ليها معانى جميلة انتى بتكتبيها واحتفظ بيها لنفسى لانى ممكن احتاجلها بعدين !!
حاجة تالتة ولا مش عارف رابعة ولا مش عارف خامسة
دبابيس الكرافيتات دى كلمة أبيحة إذا كانت أبيحة فا أنا باعتذر وباسحبها وباحذفها من المشاركة وبصى يا ستى انا ما اتكلمتش عن عشر أخطاء لغوية وأكتر وانتى ما رديتيش عن وجهة نظرى انتى اتكلمتى فى مواضيع مالهاش علاقة بالنص وبعدين عايز اقولك على حاجة مهمة فى شخصية الكاتب (شوبنهور) له رأى مهم فى النقد الانطباعى اللى احنا متبعينه فى المنتدى يعنى الكلام من الدماغ على الكي بورد قال فى النقض الانطباعى لازم نعرف (تقاطيع ذهن المبدع) شوفى كلمة تقاطيع ذهن يعنى معرفة الملامح الخارجية ومن خلالها ننفذ إلى لحم النص ولحم المبدع ومعرفة كل شئ عنه زى ما عرفنا كل شئ عن الكتاب الكبار اما فى النهاية حكاية اشكرك على الصفعة انتى آلمتينى جداً وحسيت ان إنسان شرير وزعلان من نفسى جداً لأنى لم أقصد كل ده وانا متأسف على مداخلتى وإذا شوفتينى هوبت ناحية صفحتك أبقى اعملى اللى انتى عايزاه أما حكاية عيد ميلادك ف كل سنة وانتى طيبة وانا بقولك حقك عليا ومش هعملها تانى ولا حبص على أى حاجة انتى بتكتبيها تانى مع السلامة

على فكرة الخناقة دى جميلة و أنا سعيد بها بين إثنين أعزاء علىَّ
صديقى صعلوك الشعراء و المعجون بعفرتة ولاد البلد ((عفروتو)) أو إمرئ القيس العصرى بجينز و تيشيرتات آخر صيحات الشواربى و عماد الدين ((مع الإعتذار لإمرئ القيس طبعاً)) المشاكس ناصر دويدار الذى يسعدنى دوماً الإختلاف معه و لكن يستحيل على أى منا أن يتأثر جم إحترامه للآخر
و الرقيقة أيقونة المنتدى رغت اليمينى فراشة القسم الأدبىو سعادتى بالخناقة مرهون بنتائجها حيث أتوقع أن تنتهى بمعرفة بعضهما البعض بلا رتوش و لو حدث لصارا عازفين على أوتار الأدب دون نشاذ و فى ذات الأوركسترا السماعى و غير تلك النتيجة تكون خسارتنا فادحة
عزيزتى رغد ..... قليل من التأنى من فضلك و لنختلف كثيراً و لكن دون أن نحمل الكلمات أقصى معانيها و نأولها لأدنى معانيها حتى تقترب وجهات النظر و لا نفقد إعتزانا ببعضنا البتة مهما كانت الآراء فإنها تبقرآراء حول أعمال لا حول أشخاص

عم ناصر ..... بلاش الدخلة التكشيمية بتاعة باب الملك و حارة بن مقلة فى كرموز و لا شقاوة البياصة دى و خليك من أصحاب الكرافتات الشيك بدون دبابيس يا عم شوية صغيرة

و بعدين باقوللك أيه صلحتلك شوية أخطاء فى اللغة الحلمنتيشى اللى إنت بتكتب بيها ده ..... أنا مش عارف إنت بتجيب الكلام ده منين
الموضوع مش مستاهل و شوية تروى من الكل تبقى الدنيا فل