[ناصر دويدار]

الأخت الفاضلة كاتبة قصة دمــوع فـى شـوّارد آلَغَيِــوَِمْ...!! .
أحيكى بتحية الأسلام وأقول لكى السلام عليكم ورحمة الله وبركاته
أختى
أولاً:أنا أسمى ناصر دويدار وليس ناصر ديودار هناك خطأ لغوى فظيع ورهيب ومن الممكن بأن هذا الخطأ يعرضنى إلى أزمات نفسية تكونى انتى السبب فيها لاننى وبأختصار أعشق أسمى عشق خرافى وبزعل جداً من اللى بيغلط فيه سهوا يعنى غصب عنه او متعمد دى حاجة .
العتاب الأول مقبول وهذا إعتراف منك بأنك لاتحلمى ان تكونى زى يوسف أدريس لانه مش مثلك الأعلى وهذا حقك وأنا لن أرد بالنيابة عن يوسف أدريس لأنكى تعلمين أنى دويدار وليس أدريس وانا لم اخطئ ولم أتجاوز عندما قلت ان يوسف أدريس أعظم كاتب قصة قصيرة فى العالم اما الاستغراب فليس معك حق فيه أبداً أبداً أبداً لأنى قولت (شاعر) وعلاقتى به هى علاقة قارئ أنفعل بشاعر وكتب رأيه وعدم ذكر أسمه ليس له أى علاقة من قريب او بعيد بشخصه انا اتحدث عن شخص لا اعرفه وله كل الأحترام منى ولكن عرفت أبداعه ثم انا قولت شاعر وهو نفسه يدرك معنى كلمة شاعر ولم أقل له الباشمهندس او الدكتور او العميد اركان حرب او قائد اللواء المضرع ولكن قولت صفته فى المنتدى من وجهة نظرى لأننا نناقش أبداع ولا نناقش مهنة نستعرض من خلالها الصفات الوراثية وانا لا استطيع ان استهجن احد وانا اقل بقليل انا استهجن احد فما بالك بشاعر ولكن انا اعترض وأقول رأى وأدافع عنه أمـام الجن وأعتقد أن هذا ابسط حقوق المواطنة .
هناك شئ مهم
يا عزيزتى لا يوجد نقد بالمعنى المتعارف عليه فى المنتدى زى ما قرينا عنه وعرفناه من أساتذتنا الكبار لكن كلها أشياء تابعة للزائقة الفنية لكل واحد فينا ولا يوجد منهج نقدى يتبعه احد سوى صديق عمرى الشاعر كمال عبد الرحمن فكتابته النقدية ترتقى إلى مستوى النص لأنـه لا ينفـعل ولا يعتمد على الرأى السريع ولكن يجلس بهدوء ويقرأ بهدوء ويكتب بهدوء على عكسنا احنا (انطباعيين)
حاجة مهمة أيوه انا قولت لسه الشعر صـاحى ولسه فى شاعر فى الوطن اسمه يوسف ابو سالم ودى فيها إيه دى فيها إدانة ليا انا قولت رأى فى قصيدة كتبها شاعر مش فى اغنية لتامر حسنى او لقطة من فيلم بنات وموتوسيكلات وده يقلل منى فى إيه انا أديته حقه كشاعر لكن كصاحب رأى انا برد عليه وإيه يعنى لما اقوله انت رجعتنى من خلال قصيدتك أقرأ شعر فصحى لأنى شوفت انه جديد والدليل على ذلك قرأت قصيدته الأخيرة ولم تعجبنى ولم أعلق عليها لانها لا تناسب ذائقتى ومفاهيمى وتوجهاتى فى الفن هل تعتبرين هذا إدانة
وعلى فكرة صلاح عبد الصبور هذا الشاعر العبقرى العظيم الكبير لا تعجبنى كتابته النقدية وهناك كتب كثيرة لصلاح عبد الصبور بعد قرأتها أستغرب ده كلام شاعر عبقرى بس الحكاية مش أنصر أخاك ظالماً او مظلوماً إيه بقى حضرتك بتستشهدى بإيه (انا مش حستشهد بأى كلام قولتيه فى أشعاره ولا حستشهد بكلامه عنك) راجعى المداخلات التى راجعتها انا بدقة وعناية ويقظة .
أما التعليق الأخر على الأمر وهو المجاملة أقرأى كل المداخلات من أصدقائى الأعزاء فأذا كان هناك نقد بالمعنى المتعارف عليه اللى أحنا درسناه وقريناه فأنا أسف جـداَ وبسحب كل كلامى عن القصة وبعتذر لك وياريت تقبلى إعتذارى عشان ضميرى يرتاح .
حاجة تانية
انتى حضرتك منفعلة جداً وبتتكلمى عن واحد تانى وكلام تانى انا لم أقل ركيكة ولم أقل الفكرة مستهلكة راجعى رأى فى القصة بس المرة دى بهدوء شوية وانا عايز اقولك من الاخر المجاملة لا تصنع مبدع بتصنع حاجة تانية المواجهة هى اللى بتصنع مبدع وحد قادر على مواصلة المشوار اما العبارة بتاعتك (مادامت رؤيته ومشاركته لم تتجاوز حدود النقد الأدبى) فا معلش أسمحيلى انى اقولك ان هناك فارق شاسع بين الرأى والرؤية طبعاً حضرتك عارفة الفرق اكتر منى اما حكاية (لله الأمر من قبل ومن بعد فى حكاية مسفوك وممر الضوء إلى الشتات ودمــوع فـى شـوّارد آلَغَيِــوَِمْ...!! فا بعد أذنك بدل ما تحدفينى فى سكة لله الأمر من قبل ومن بعد فاده لا نقد منهجى ولا له دعوة بنقد قصة ده حيدخلنا مناطق حتزعلنا كلنا وبعدين حضرتك نشرتى القصة فا اصبحت بتاعتى فأنا قولت ملاحظاتى انتى مارديتيش على اى ملحوظة انتى حضرتك عايزة تعرفينى ازاى أقرأ القصة وبأى مفهوم وأزاى أكتب عنها وازاى اقول وازاى استخدم العبارات انتى حضرتك عايزة تعلمينى الأدب أزاى يكون اما عن المجاملات والمشاركات فا حضرتك بتردى على حاجة تانية انا بتكلم عن نفسى فى حوار مع البنات اللى اعرفهم من خلال السياق بتاع القصة العسل والجمال والحلاوة ليس لها علاقة بالفضيحة لاسمح الله وليس لها علاقة بالكواليس وانا شاعر عامية ومولود فى دمنهور فى حى بحرى ومتربى فى أسكندرية فى كرموز وعايش دلوقتى فى مصر القديمة فا أكيد فى فرق ثقافة حياتية بينى وبينك انتى اكيد تكسبى انا مثلاً معجب جداً جداً بتعليقاتك وردك المبهر لدرجة خلتنى أفكر اجمع كل التعليقات اللى ليها معانى جميلة انتى بتكتبيها واحتفظ بيها لنفسى لانى ممكن احتاجلها بعدين !!
حاجة تالتة ولا مش عارف رابعة ولا مش عارف خامسة
دبابيس الكرافيتات دى كلمة أبيحة إذا كانت أبيحة فا أنا بعتذر وبسحبها وبحذفها من المشاركة وبصى يا ستى انا ما اتكلمتش عن عشر أخطاء لغوية وأكتر وانتى ما رديتيش عن وجهة نظرى انتى اتكلمتى فى مواضيع مالهاش علاقة بالنص وبعدين عايز اقولك على حاجة مهمة فى شخصية الكاتب (شوبنهور) له رأى مهم فى النقد الانطباعى اللى احنا متبعينه فى المنتدى يعنى الكلام من الدماغ على الكي بورد قال فى النقض الانطباعى لازم نعرف (تقاطيع ذهن المبدع) شوفى كلمة تقاطيع ذهن يعنى معرفة الملامح الخارجية ومن خلالها ننفذ إلى لحم النص ولحم المبدع ومعرفة كل شئ عنه زى ما عرفنا كل شئ عن الكتاب الكبار اما فى النهاية حكاية اشكرك على الصفعة انتى آلمتينى جداً وحسيت ان إنسان شرير وزعلان من نفسى جداً لأنى لم أقصد كل ده وانا متأسف على مداخلتى وإذا شوفتينى هوبت ناحية صفحتك أبقى اعملى اللى انتى عايزاه أما حكاية عيد ميلادك فا كل سنة وانتى طيبة وانا بقولك حقك عليا ومش هعملها تانى ولا حبص على أى حاجة انتى بتكتبيها تانى مع السلامة