رد: علاء طه ياسين(نسمة الجنوب)
[QUOTE=سعدالشرقاوى;352337] الى الغالى/علاء ياسين
وحياتى النيل اللى معدّى بطيفك من جنبى
وحيات الكرنك وتاريخه والبرّ الغربى
وقناوى الغالى والوالى والسدّ العالى
مابيشغل بالى فى بعادكم غير شوقى وحبىّ
,,,,,,,
وحيات العمرى ماعلـّمنى أكتب أشعار
وغلاوة رائد وعطيه وناصر دويدار
وأبوسالم وجنابى الغاليه وحمدى وعبدالله
والانس اللى مصحّى الدلتا وصوت الأحرار
,,,,,,,,
وحيات العمر اللى أنا عشته من يوم ماوعيت
وحروف الشعر اللى كتبته من أوّل بيت
انّ انت ياعلوه حبيب قلبى والعين والرّوح
ولابدّ أبوح باللى أنا حاسّه ان روحت وجيت
,,,,,,,,
والجوّ اللى سمعجى يشمّه بروايح موت
وحدود الوطن اللى ناداها أبوزهده تموت
وأبوزيد والجازيه الهلاليّه
وشفيقه وناعسه وبهيّه
وغرام العين العسليّه وتراب أسيوط
,,,,,,,,
وحيات القلب اللى مايعرف غير الأخلاص
والعرق السّايل من خدّى على ايد الفاس
واليوم العاشر فى تاريخنا والذكرى الحلوه
وشهامة علوه اللى مايعرف غير حبّ الناس
,,,,,,,,
أنا ماقدر اردّ على كلامك ومعايا دليل
وكلامى بيسكت قدّامك يابو قلب جميل
وبشوفك نهر بيروينا ,وأكون مجنون
لو عقلى يفكــّر يتسامه مع نهر النيل
,,,,,,,,,,
************************** و اللهى العظيم يا عم سعد وحياة الشهر المفترج عند ربنا انا بحسدك و بخاف عليك من الفيضان اللى عندك وعايز اقولك كلمة فى ودنك مخلصة عشان خاطر عيون الشعر عايزك تخزن
عشان معركة الشعر والحياة محتاجة كلامك
وحياتى النيل اللى معدّى بطيفك من جنبى
وحيات الكرنك وتاريخه والبرّ الغربى
وقناوى الغالى والوالى والسدّ العالى
مابيشغل بالى فى بعادكم غير شوقى وحبىّ
شوف كلامك جميل ازاى وله معنى ومغنى
الله *الله*الله*الله*الله
وحيات العمر اللى أنا عشته من يوم ماوعيت
وحروف الشعر اللى كتبته من أوّل بيت
انّ انت ياعلوه حبيب قلبى والعين والرّوح
ولابدّ أبوح باللى أنا حاسّه ان روحت وجيت
********** شوف الكلام زى الدرر أزاى وماشى بأنسيابية ومفيش سطر
ملوى دراعه أو أيده 0
وحياة غلاوة الشعر يا شيخ
تهدى عليه شوية محتاجينه
المعركة لسه طويلة
وحيات القلب اللى مايعرف غير الأخلاص
والعرق السّايل من خدّى على ايد الفاس
واليوم العاشر فى تاريخنا والذكرى الحلوه
********** شوف الكلام الجميل والعرق السايل من خدّى على أيد الفاس
والله أنا لما قرأتها حسيت أن عرقى بينزل من صدق الكلمة
وحلاوتها وحرارتها وحيويتها وحريتها فى السطر
الله يفتح عليك يا عـمـدة
أنا ماقدر اردّ على كلامك ومعايا دليل
وكلامى بيسكت قدّامك يابو قلب جميل
وبشوفك نهر بيروينا ,وأكون مجنون
لو عقلى يفكــّر يتسامه مع نهر النيل
**********
هنا بقى مربط فرس الشعر يا عم سعد
أنت لأنك فلاح أصيل
عايز ترد التحية
بتاعت علاء طه
بتحية أحلى منها
وأسرع منها
وأقوى منها ده صحيح وحلو
لكن فى الآخر
ده نص محسوب عليك
على الرغم من جمال وقوة
سطور كتيرة فيه
بدأ يضعف فى بعض المناطق
عارف ليه يا عمدة
عشان أنت
غلبت الأصالة والجدعنة
على فنية العمل
وحياة شجرة التوت والترعة
والمصارف
وصيد السمك ساعة العصارى
وحياة سن الفاس وهى بتبوس خـد الأرض
وحياة الخـضار والنهار
والأطفال الصغار
تخلى بالك من موهبتك يا شيخ
أخـــوك المخلص / ناصر دويدار
|