[ناصر دويدار]

[QUOTE=ملحن مصري;352033]أجمل حاجه عجبتني إستخدام لفظ واحد ومش ممكن تمل منه
الله عليك
أحيانا الواحد بيقابل حالات من كتر الإعجاب مايلاقي كلام يعبر عنه
بس بمناسبة المرأه الإستثناء أنا فكرت إني الحنها وإنشاء الله انا باستعد لتلحين اللغه العربيه الفصحي
أنا بفكر أعمل معاك فكره ناديت بيها علي المنتدي ومفيش حد للاسف أخدها بإهتمام وأعتقد هلاقيها مع الناصر دويدار
ونتعامل مع بعض فنيا وده شئ يشرفني وغير كده يخليني أغير جلدي في التلحين وحاسس إني ممكن أعمل معاك حاجه لو إتعاملنا لأنك بتتعامل بشكل مختلف مع الكلام لدرجه إني ساعات أفكر أسالك سؤال بس لقيتني غبي بس هاسأله هو إنت بتجيب الحروف بتاعتك منين من عندنا برضه من المعجم العربي ولا بيجيلك تفصيل ولا إيه حكايتك معانا
0000000000000000000000000000
بص أنا بقدملك أحسن هدية ممكن تاخدها منى وانت مغمض وهى أشعار كمال عبد الرحمن (سمعجى) الفصحى رومانسية رائعة لها مضمون تتغنى ممكن تقلب بيها مصر لو أنت أتعاملت معاها بفكر موسيقى واعـــى وأنا عايزك تدخل على الفصحى ممكن تلاقى ناس تانيين لان انا بصراحة الاشتراك بتاعى بركب بيه اتوبيس العامية بس دلوقتى مؤقتا لانى محتاج وقت عشان اعدى على بقيت الدكاكين لانهم ناس زى الفُل فا ماشى يا عم كلنا نتعاون مع بعض عشان نجمل القُبح اللى حوالينا ونحسس القبيح بقبحه وانا حكون سعيد جداُ لو عديت على كمال وخاصة قصيدة النورس الأسود وأدعيلى يا ملحن أما حكاية الحروف وبجيبها منين أنا بجيبها من الناس والشوارع والبيوت
وبرجعهالهم تانى يعنى عايز أحكيلك فى مرة واحد صحبى أسمه المهندس يوسف عبد ربه قابلنى قالى رايح فين قولتله رايح الشغل قالى (ربنا يرزقك برزق عيالك) عمرى ما نسيت الكلمة دى ولا دفاها راح من جسمى وأنا لما بروح لأمى فى دمنهور بتقولى ربنا يحنن عليك ويخلى عيالك حنينين عليك إيه الكلام ده
إيه الشعر ده إيه الدفى ده إيه البنى أدمين دول
واللهى انا بعيط لما بسمع الكلام ده 0
ربنا يوفقك وانا مستنى تسمعنى الحانك