رد: الرجل الذي تغني له أم كلثوم
طبعا لا تعليق علي كلام الرجل اللي بيعبر عن كل محب لام كلثوم
خصوصا في موضوع مقاطعة الست
فكرني من يومين كنت بهزر مع واحد صاحبي و بقوله انا بتخنق من اللي بقاطعو في الاغنيه للست و اللي رايح و عندو برد و قاعد بيكح و كحتة تطلع في التسجيل
رد عليا و قال لي لو كان الراجل يعرف ان بعدها بخمسين سنه يجي شباب من دور عياله يدعو عليه بسبب شوية برد كانو عندو مكانش راح الحفله
لكن لفت نظري في الصور الملامح شديدة الاصاله و المصريه
الرجوله اللي بنفتقدها في ملامح المصريين الان
تقاطيع الوجة التي تذكرني بجدي رحمه الله
مدي تأثر الرجل و استمتاعة بالست ووضعه ليده علي وجهه في عدم تصديق لمدي العبقريه التي تنساب لاذنه
رحمه الله ورحم الست ام كلثوم
|