مش أنا الي أحب و انسي ، مش أنا
ابعد أنت ، و مهما هيكون الألم
مش هفكر فيك بلوعة أو ندم
الليالي ، الي عاشها الحب وياك ملكي وحدي
مهما تبعد مش هتاخد ليلة واحدة م اللي عندي
مش أنا الي أحب و انسي
مش أنا …
****
يصعب عليه ، انسي رحلة عمري كله معاك
يصعب عليه ، لما تيجي سيرتك و اقول هنساك
لكن انسي ليه ؟
أنا هنسي أيه ؟
من قبل حبك أنا كنت أيه ؟
كانت حياتي أنا فيها أيه ؟
فراغ و وحدة و شوق سهران
و شموع تونسها جدران
من النهاردة حعيش لأجمل حلم شفته
و هفتكر بدموع أحلي عمر عشته
الليالي ، الي عاشها الحب وياك ملكي وحدي
مهما تبعد مش هتاخد ليلة واحدة م اللي عندي
مش أنا الي أحب و انسي
مش أنا …
***
حبيبي ، يالي جاي النهاردة بتقول هتنسي عهدك معايا
و عايزني زيك بكلمة واحدة ، أكتب بإيدي سطر النهاية
علمتني أحبك
و فتحتلي قلبك
علمتني الدنيا
حبتها و أنا جنبك
علمتني أسهر ، علي شوق ما يتقدر
و استني لتاني يوم ، عشان يفوت و اسهر
علمتني اني أحب و بس
و نسيت تعلمني أزاي انسي
أنا م النهارده بحب و بس ،
مهما جري مش حعرف انسي
ياما قلتلك يا شوق
ننسي العذاب و نتوب
و ازاي نتوب عن شيء
فوق الجبين مكتوب
مكتوب .. يا قلبي
الليالي ، الي عاشها الحب وياك ملكي وحدي
مهما تبعد مش هتاخد ليلة واحدة م اللي عندي
مش أنا الي أحب و انسي
مش أنا
****
فكرت آني أسألك
أيه يا حبيبي غيرك …
يمكن سؤالي ده الي صورة الماضي تيجي تفكرك
فاكر ..
فرحة عيونك بيه و انت بتبتسم
و الشمس لما جنب منها تترسم
فاكر …
لهفة حنانك بعد يوم واحد سفر
و أنا زي ليل عطشان بيستني القمر
فاكر …
رقة عتابك ، حتي في ساعة الغضب
كانت نغم ، فضة علي أوتار من دهب
و رجعت أقول أنا هسأل ليه
و القلب لما النار تكويه
و تهد أجمل حاجة فيه
يمكن ساعات يندم و ساعات
حتي الندم ميهونش عليه
ياما قلتلك يا شوق
ننسي العذاب و نتوب
و ازاي نتوب عن شيء
فوق الجبين مكتوب
مكتوب .. يا قلبي
الليالي ، الي عاشها الحب وياك ملكي وحدي
مهما تبعد مش هتاخد ليلة واحدة م اللي عندي
مش أنا الي أحب و انسي
مش انا
انا سأترك هذه الاغنية لتعليقاتكم المفيدة والتى دائما استفيد بها..ولا ننسى التحليل الموسيقى لعمنا الكبير محمد الالاتى و الذى انتظره
تحياتى
