[صبره ابو حسن]

المشاركة الأصلية كتبت بواسطة علاء طه ياسين

تعالي نحلم سوا
ونمشي ويا الهوي
يا ام ابتسامة دوا
جرحت خدود القمر
....
شايف سواقي الأمل
ف عيون ماليها الخجل
والضحكة ملهاش مثل
عاشقة البُعاد والسفر
....
وعليكي خفة دم
باتحدي بيها الهم
ومشيت طريقك لم
أهتم يوم بالخطر
....
شايفك بعيني ملاك
ع الشط واقفة هناك
بتقولي هأستناك
رغم الرياح والمطر
....
الحب عدا وفات
وحدف لنا حكايات
دا غير كمان رسومات
وشخبطات ع الشجر
....
وعشقنا لم نِدْرَي
والعشق له قدره
وانا وانتي يا سمره
غنوة في ليلة سهر


علاء طه ياسين

عزيزى الشاعر / علاء طه ياسين
جميل جدا هذه الانسيابيه فى الاداء
وتناغم الحروف فتصدر عنها موسيقى داخليه
تقبل مرورى المتواضع