يا مسحراتى يا بو صوت ملايكى
إشجينا تانى بكلام يبَّكى
على دق طبلك ماحد قبلك
قال زى قولك ولا الفلايكى
***
يا عبد إسعى دى الدنيا واسعة
تديها صرمة تلقاها راجعة
و إن شِلت همَّك هاتزيد فى غَمَّك
و الدنيا فانية قوم فوز بركعة
***
قوم شوف علومك و إنسى نومك
وإذكر إلهك على قد صومك
رتَّل و عَلِّى صوتك تمَلِّى
سبَّح و صَلِّى يِخْضَّر يومك
***
إصحى يا نايم فى اللذة هايم جرَّاك وراها زى البهايم
نهاره نايم و الإسم صايم و ليله شيشة و غناه شتايم
تصون لسانك تركب حصانك و تبقى فارس الحسن زانك
الصوم عشانك ماهو آن أوانك تعبد إلهك و تصون جرانك
يا شباب بلدنا على كل مادنة واعظ ينادى التقوى زادنا
تقوى فـ صلاتنا تقوى فـ جهادنا و المعنى شامل لكل مادنة
فى غيط و جامع جامعة و مصانع فى كل حارة و كل شارع
ساجد و راكع بيناجى ربه و كفه رافع يغفرله ذنبه