[علاء طه ياسين]

إوعي تصدق إني بأحبك
أو باتمني ارجع لك تاني
كان ياما كان وانتهي يا حبيبي
سيبك مني خلاص انساني

قلبي الشجر الطارح ضله
بقا مبيستحملشي مذلة
وانت مجرد كلمة ف غنوة
غصبن عني نطقها لساني

كنت باعيش في خيالي ليالي
ابني ف قصر الوهم العالي
وانت تدوس علي نقطة ضعفي
وانا فاكراك بتضحي عشاني

كنت مبتحبش غير نفسك
ضعفك كان عمال بينافسك
مش شايف غيرك في الدنيا
يعني بكل بساطة أناني

علاء طه ياسين