اقتباس:
المشاركة الأصلية كتبت بواسطة Tarek Elemary
أنا إنسان
========
فى يوم جاتنى بأوهامها
و صارحتنى
إن أنا فارس فى أحلامها
و مش شايفة بنور عينها
سوى صورتى اللى قدَّامها
و سهد الليل
و طول الويل
و لحن الصدق فى كلامها
و فرضت نفسها من غير
ما تسمع رد لسلامها
و عاتبتنى ... و لامتنى
و فاكرانى
إن أنا سلِّمت لغرامها
و فجأة سألتها بحدة
قوليلى مش إنتى مخطوبة؟
كأنى لطمتها بشدة
و قالت كُنت مغصوبة
دى صفحة من زمن عدى
و أملى أشوفها مشطوبة
و يرحمنى و ينسانى
صرخت بكل وجدانى
أنا إنسان
لكن مش ندل و أنانى
و لا عمرى فى يوم أقبل
أكون جانى
و لا أسكن فى يوم عشك
وأعيش سارق هوى التانى
و لا يمكن هاعيش مخدوع
و أزوَّر حبى فى ثوانى
أنا إنسان
مانيش حيوان
و شرفى هوه عنوانى
شوفى لقلبك واحد غيرى
شوفى لقلبك واحد تانى
|
حبيبى الاستاذ/طارق العمرى
روعه وجمال وحلاوه
وتنظيم هندسى فائق الدّقه
وملعوبه فى سقف الشبكه
بس يعنى كانت صفحه من الحياه وانطوت
ونفسها تفتح صفحه جديده
اللا قول لى
انت بقالك يومين تلاته بايع القضيّه
ما يكونش فيه موقف مع يوم خمسه مارس
وبتشفى غليلك فى بقيت الشهر
اقول لك
يا بخت من بات مغلوب