[سعدالشرقاوى]

المشاركة الأصلية كتبت بواسطة unicorn

أستاذ سعد الشرقاوى ,

خالص التحية على إمتاعنا و إيجاعنا
تصدقوا ان الواسطة شبه انتهت من مصر لتحل محلها الرشوة وهى أكبر و أكثر قذارة
يعنى قصة كارت أخلص بيه مصلحة انتهت يا أساتذة , صاحب الكارت يعطيك الكارت و هو يعرف أن قيمته فى بورصة الواسطة أصبحت ضعيفة ,
و اللى بياخد الكارت دلوقتى بيقولَّك أقف فى طابور الواسطة الطويل
يعنى برضه مش بترتاح ,
اللهم إلا لو كان الكارت تقيل أوى (عضو مجلس شعب فما فوقه)
إمتى ترتاح فى مصالحنا الحكومية, لما تطلع بالقرشينات و البرادس ,
حتى الوظايف فى الشركات ال multinational أو شركات البترول و شركات الكهربا ومصالح الجمارك و الضرايب و جميع هيئات الجباية , إمّا تسندك الواسطة العلّيوى اوى دى للتعيين فيها ,
و تخلليك كما قال الاستاذ سعد من ساقط توجيهية ( زى الباز افندى كدة ) الى بروفيسور من كامبريدج فى مجالك ,
أو يحل محلها 20 أو 30 أستك من الجنيه الذى فقد قدرته على التكاثر .
شعار المرحلة يا اساتذة : "ادفع لكى تحصل على البركة"

المحترم الغالى النبيل الكريم الشهامة الاصيل العالم
(ابومندور)
والله قرات مشاركتك وأنا حيران فى لغز محتاج حدّ يفسّرهولى
حاجه غيبه
اشتريت كيلو الارز الابيض من بند الزيادات التموينية يعنى بطاقة التموين اللى مدعّمه
بسعر2جنيه دا عشان الدوله مدعّماه
واشتريته ساعتها من تاجر عندنا فى العزبه بـ130قرش سعر حر خارج التموين
وقلت فى نفسى ياد ياسعد (خللىّ عندك شويّة دعم واسكت)