[عفاف سليمان]

صباح الخير والطرب والسلطنه عليكم جميعا
استاذ لطفى بعد صباح الخير على حضرتك
استاذ منعم صباح الياسمين
وصباح جميل على الجميع
انا فعلا عفاف على بس مش بتاعة الاسكندريه
طبعا اذا كنت حضرتك من متابعى برنامج الاستاذ محسن عرفه وفعلا كان كل ثلاثاء من الثالثه والنصف عصرا الى الخامسه
كنت انا عفاف على من الجيزه
وعفاف احمد من الاسكندريه ولها اخت اسمها صباح واخت تانيه اسمها نجاح وابن اختها احمد وابنتها يارا ويوسف وزوجها نبيل كان يعمل بامريكا
اما عفاف الثالثه فكانت عفاف بدوى من كفر الشيخ وكانت مهندسه
وكنا سبحان الله نتصل واحيانا كنت انا وعفاف الاسكندريه نكون على الهواء او انا وعفاف كفر الشيخ
وكانت الناس تستغرب لكوننا نتلاقى صدفه والله
واشتهرنا مع البرنامج ومره طلبت من الاستاذ محسن ان ازورهم فى الاذاعه لاخذ بعض ما لى من جوائز فنحن كنا دائما نكسب ولكن ليس الجوائز هى الاهم بل كان كل حبنا وهدفنا ان نلتقى فى هذا البرنامج الجميل وكنت فعلا اخذت موافقه بالدخول الى ماسبيروا وكنت اول مره فى حياتى ادخل الاذاعه والتليفزيون وقابلت الاستاذ محسن عرفه شخصيا والمذيعه الاستاذه نشوى محمد على وكنت اتابعها ومى عشوش بس لم اراها يومها وشفت الاستاذه المخرجه هبه السعيد لكن لم تتعرف على انا بس سمعتها بتكلم الاستاذ محسن وانا كنت عندهم فى مكتبه وكنت سعيده جدا بهذا الوقت
وكان يوم اذاعة حلقه جديده ومشيت من عندهم وركبت تاكسى وروحت وسبحان الله دخلت فى المسابقه من المنزل وكسبت
وسئلنى الاستاذ محسن على الهواء انتى لحقتى تروحى قلت له المرور كان حلو قال لى مسمعوكيش بتوع المرور وشاركت فى نفس الحلقه وكسبت بس مروحتش
ولما غيروا ميعاد البرنامج مكنتش بدخل
واحيانا كنت اسمع العفافتان يسئلون عنى
وحاولت ان اتصل لكن مكنتش بعرف
لكن الان والله معرفش هل يقومون الان بمسابقه جديده ام لا
وكان يوم الثلاثاء عندى يوم مقدس
يأما ااكل اولادى وزوجى قبل البرنامج
ياما ينتظروا حتى ينتهى
واشكرك استاذى لطفى على ذاكرتك الجميله
فانا عفاف على من الجيزه
تحياتى لك وللجميع
اختكم عفاف