[عفاف سليمان]

المشاركة الأصلية كتبت بواسطة حمدي السمر

يا موزع بين جراحك

اصبر الصابرات روابح
اوع تتزحزح عزيمتك
علي هامتك ولسة كافح
ح يجي الزمن البِبُسطك
وتلقي نفسك فيهو سابح
ويا مقسم بين جراحك
اصبر الصابرات روابح
الزمن لو جار عليك
ولمّ كل احزانو ليك
سيبو يتعلم براهو
انو ما بتغشاك هزيمة
رغم انو الحالة صعبة
ولسة ليل الفرحة نازح
واصبر الصابرات روابح
الاماسي المُرة بكرة
الفرح بنشره فيها
والغُنا الجواك حايم
بلقي سكة يعدي بيها
باكر الايام بتصفي
ودنيتك تصبح وجيها
وتندفق قدام عيونك
موية الزمن البخونك
وداير اوصيع يا مضّيع
كلما زمنك رماك
للنهايات اللي اصعب
انت اغفر ليهو وسامح
واصبر الصابرات روابح

حمدي السمر

اخى الاستاذ حمدى السمر
الصبر كما يقولون مفتاح الفرج
بالصبر اكيد هنول كل اللى نتمناه
وبالصبر بس هنقدر نحقق احلامنا اللى جايه معاه
بس يامين يدينا شويه صبر
والله احنا محتاجين للصبر
الصبر يارب
كما كانت امى رحمها الله تقول
الصبر طيب....الصبر جميل
تحياتى لك اخى من ارض النيل
اختك عفاف