منتدى سماعي للطرب العربي الأصيل - عرض مشاركة واحدة

**عفاف سليمان** · #4 03/08/2009, 13h15

اقتباس:

المشاركة الأصلية كتبت بواسطة علاء طه ياسين

....

قالتلي مع السلامة
قولتلها مع السلامة
فاكراني بعد منها
هابقي زي اليتامي
....
فاكراني هامد ايدي
أقول لله ياسيدي
وحبها ف وريدي
هيعلم 100 علامة
....
فاكراني خلاص هاضيع
أو هارجع أكون مطيع
وابقي الحمل الوديع
واقابلها بابتسامه
....
فاكراني هاموت وراها
أو هاترجي ف هواها
انا مش محتاج رضاها
ياما اتحملت ياما
....
فاكراني هاعيش ف نار
والحزن يكون لي دار
ولا يجيش النهار
وأمشي ف سكة ندامة
....
قالتلي مع السلامة
قولتلها مع السلامة
ومشيت وف قلبي دمعة
باقية ليوم القيامة
....

علاء

اخى الاستاذ علاء
بعد مساء الخير عليك وعلى الجميع
اكيد اكيد هى اللى خسرانه
قلب كله دفى وحب وحنان
اكيد اكيد هى اللى ندمانه
على فراقك ونار الاوجاع
واكيد اكيد هى اللى هتدور عليك
لجمال حنانك واحساسك انا بحييك
لك خالص التقدير وللجميع اسعد الاوقات
والينا مزيدا من الابداع
اختك عفاف