بس انا هتفضل فترة الاربعينات والخمسينات هى الاقرب لقلبى... فى الفترة دى عمل معظم روائعه من الجندول وعلى ايه بتلومنى وانا والعذاب وهواك وبفكر فى اللى ناسينى وقصيدة قالت والكرنك وكليوباترا وياللى هاجرت الروح وغيرها وغيرها بالاضافة اسلوبه اتغير فى العقدين دول عن الفترة بتاعة الثلاثينات او العشرينات تلاقى بقى فى تنهيدة جميلة غير النحنحة على راى عمنا عمار الشريعى فى اغانيه والعقدين دول كانوا فعلا بصمة فى تاريخ عبد الوهاب والتطور الفعلى واللى اظهرت صورة عبد الوهاب الحقيقية والمطورة وايضا فتح عنين ملحنين ذى الموجى وغيره على اسلوب جديد فى التلحين متطور يعنى بالصراحة الاغنية او القصيدة العربية المغناة لو لها صاحب براءة اختراع هيكون عبد الوهاب