أول حروف الكلام أول حروف اسمه
وأجمل حروف الكلام هي بقيت اسمه
والاسم كان أحمد
عزيز عيني
كان زى حلم جميــــل
ف عينيه صبح وليـــل
بس انطفى القنـــديل
من يوم فراق أحمـــد
كان زهر عمري الجــاى
سافر هناك مش جـــاى
وجعانى قولـــــة آي
من يوم ما غــاب أحمد
كان فرح عمــري وراح
سايب في قلبي جــراح
بشتاقله كل صبــــاح
روح الفؤاد أحمــــد
كان زى نسمة صـيف
كان جاى علينا ضـيف
ومر زى الطــــيف
نور العيون أحمـــد
لكن عزيز عيــــنى
ساكن سواد عيـــنى
يـــارب قوينـــي
على فراق أحمــــد
شعر:محمد العقاد