[علاء طه ياسين]

معاك ياحبيبي إذا كنت ناوي
هنكتب ف مصر الجميلة غناوي
وربك يحوش عنها كل البلاوي
ياغاوي ترابها .. ياعاشق لمصر

ومن اقصي اقصي الصعيد البعيد
ومن حر خانق وصعب وشديد
معاك يا ابن عمي هاردد واعيد
حكاوي جميلة عن الغالية مصر

عن الجبل اللي بيفرد ظلاله
وعن شاب أسمر بيسرح خياله
ف بنوتة حلوة هتصبح حلاله
ويبنيلها عشة علي أرض مصر

وهاحكي عن الفَرْح لما يزورنا
ويحضن بضحكة جميلة ديارنا
وعن حزن يسكن ف طلة قمرنا
إذا حد داس ... علي طرف مصر

معاك يا شقيقي يا خويا الحبيب
صعيدي بحيري محدش غريب
وجرحي اللي نازف بلمسة يطيب
بلمسة ولكن .. من كف مصر

دورك يا حاج سعد
ودور الأستاذ يسري
كملوا .. وانا معاكم
...
واللي يحب مصر يشارك معانا

علاء