فى عرضك يا يسرى
إيدى فى إيدك ياسيد الحبايب
ندوّر بهمّه على فجر غايب
وقلبى وقلبك من الحب دايب
ونعشق بلدنا الجميله يايسرى
,,,,,,,,
إيدى فى إيدك مع الشقيانين
وبعد القساوه يحسّوا بحنين
ومش بالضروره نقول احنا مين
ما دامت رسالة بتوصل يايسرى
,,,,,,,,,
إيدى فى إيدك مع المسئولين
نساعد معاهم فى رفع الأنين
ونبدى آراءنا ولو كلمتين
يساعدوا فى حلّ المشاكل يايسرى
,,,,,,,,
إيدى فى إيدك بحب وأدب
نداوى جراحنا بعلاج السبب
بعزّ وشهامة ولاد العرب
وتكبر بلدنا ف عنينا يايسرى
,,,,,,,,,
معانا ف سماعى اللى ح يحسّوا بيك
وتبقى ف عينيهم يخافوا عليك
وياخدوا بإيديّا وياخدوا بإيديك
وبالكلمة نبنى حياتنا يايسرى
,,,,,,,,,
عشان قلبى حسّك رجوله وأصيل
وقلمك بينزف حضارة ونيل
شئ مش بإيدى لشعرك أميل
وانادى واقول لك فى عرضك يايسرى
,,,,,,,,,