أنا جيت أهه ......
عم سعد يا بوق الغلابة
===========
حامل شكاوى الفلاحين
عازف على الناى الحزين
يا صرخة فى زمن العطن
يا بلسم الآه و الأنين
***
الشعر مش كلمة و خلاص
الشعر سكة ل اللى لاص
وسوط على ضهر الزمن
و كلمته رصاصة خلاص
***
أصرخ يا سعد بقوتك
إصرخ و سمَّع كلمتك
ل اللى ودانه من عجين
و بنى القصور على جتتك
***
الفلاحين و الكادحين همَّ البلد
منهم أملنا فـ بكرة دايما يتولد
و أنا قلتها حبلى الصبية و شفتها
يا تموت و هى بتولده
يا هاييجى من بينَّا الولد
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس