[رائد عبد السلام]

المشاركة الأصلية كتبت بواسطة abuzahda

هوَّ وحي الشِعر هاجـِر ؟

زيْ مَلح بمَيّا داب ؟!

و لاَّ راح عن شِعري سافِر ؟
لجل يحترف الغياب ؟

كنت انادي ، يقوللي : حاضِر
له يومين ، الوحي ، غاب

هوَّ ليه لـَم الدفاتِر ؟
و لاَّ ليه يطوي الكِتاب ؟

نام ! ، و خلـَّى القلب ساهِر
هـَدْ شُرْفـَة ، و سَدْ باب

الخيال ! ، يا بَدر ، سافِـر
و انتَ ما يليق لك حِجاب

لِيه زياراتك نوادِر ؟
ليه تحـِيلها للسراب ؟

ليه بتِنسَى ؟ ، و انتَ فاكِر
إنك الزاد و الشَراب

كنت سِيف الفِكرة شاهِر
ليه غمدته في الجراب ؟

ليه مَلـِيت سُورَك عساكِر ؟
رامي نجمَك للضباب ؟

و انتَ يا نهر المشاعِر
نِسبتي و الإنتساب

مين سوى بَدرَك هسامـِر ؟

يا سمير إمتى الإياب ؟

القمر له في احتجابه ... فلسفه
والجواهر لما تتغطي بركامها ....مش سَفـَه
السفور ممجوج وفجّ
وأحلي منه اللي ... اختفي

سيب كلامك جوه روحك في مداره
لما بيطيب الثمر .... يهني مزاره
تلقي شعرك فاض علينا ضيّ نارُه

هم ألف رسول ياصاحبي
وهو واحد .....بس كان المُصطفي

*********

ربنا ما يغيب لك إبداع ولا أدب
ياعمدة الأدباء والمثقفين
وتفضل دايما : حاضـــر

ياعمنا الكبير في كار الأدب
الشاعر الكبير / سيد أبو زهدة