[صالح الحرباوي]

المشاركة الأصلية كتبت بواسطة سماعي

من السهرات التي تحرمنا منها التلفزة التونسية ويصر القائمون عليها بإفساد الذوق العام بما يبثوه لنا من تفاهات

كل تلفزات العالم تبث موروثها بصفة منتظمة إلا تلفزتنا فهي تدعي الحداثة وتترك مثل هذه التسجيلات على رفوف اراشيفها

المشاركة الأصلية كتبت بواسطة سماعي

موسيقار الأجيال محمد عبد الوهاب كان معجبا بألحان بابا الهادي ،،، اما منتجوا ومقدموا البرامج عندنا في الإذاعة والتلفزة التونسيه فهم مفتونون بهيفاء وهبي ونانسي عجرم

،،، الله يهدي

سلام و احترام،
يا امحمد ... راهو الحكاية كيف ما يقول المثل .... شوية من الله و شوية من عبد الله ...
أول حاجة .... شوف مثلا الحضور في سهرة من أول نظرة درباني ... في سهرة حيّة فيها ....
- 2 فرق موسيقية كاملة للإذاعة و التلفزة مع المجموعة الصوتية كاملة ...
- كبار المطربين و من أشهرهم ... نعمة، أحمد حمزة، محمد أحمد، توفيق الناصر، محمد الفرشيشي ... و الكثيرين غيرهم
- كبار الممثلين و من بينهم .... الزهرة فايزة، محمد بن على، دلندة عبدو، الحطاب الذيب، .... و غيرهم....
تتخيل مطربي و فناني اليوم لهم من التواضع و الروح الأخوية و الفنية الصافية باش يحضروا مع مجموعة من الزملاء في سهرة واحدة ....
الواحد فيهم يا دوب يعمل أغنية نصف ناجحة ... .... يولّي يحسب روحه نجم (ماسهلها كلمة نجم ... قداش رخصت هالايام هذه) و في الحقيقة، الواحد ولا الوحدة فيهم ما تسواش شمعة و لا فتيلة.. ويحب برنامج وحده و عنده مدير أعمال و يمكن ملحق صحفي (attaché de presse) زادة... و يولي يمد في ساقيه و يتشرط ...
ثانيا، مقدمي البرامج .... خلي و اسكت .... لا من ناحية الثقافة الفنية أو حتى الثقافة العامة ...ما يهمّ كان المظهر (يا مزيّن من برّة...آش حالك من داخل) و ربي يعلم كيفاش يختاروهم ......
أمّا عن بث برامج من أرشيف التلفزة و التي تمثل تراثنا العريق الغني من أغان و أعمال درامية و برامج ثقافية و غيرها، فهذا لا يعني المسؤولين بالمرّة.... هم يهتمون فقط بالبرامج (التفاهات) التي ستحقق (في نظرهم) أعلى نسبة من المشاهدة و ليس بالذوق العام و المحتوى الراقي ..... بربي خلّي عزاها سكات ...