والدى الدكتور /انس البن
ارى اننى اصغر من ان اعلق على الكلمات
وقدسية الكاتب فى قلبى تخجلنى من ذلك
فاقبل منى مشركه ضئيلة لوحشة فراق
من كان رمزه (شجرة الدوم)
مرسوم فى عيننّا صور عاشت لكل الناس
نحتها حكم القدر بمرارة الاحساس
منقوشة فى القلب ظللها قمر غارب
بروازها شارب حنين الحب والاخلاص
,,,,,
الصورة جمعت احبّه م الرّياح ماشيـين
بيلوّحوا بالوداع فى ايديهم النياشين
جرّين وراهم تاريخ بالخير سنين فاتو
ويوم ما ماتوا لقيتهم فى القلوب عايشين
,,,,,,
غمّضت عينى لقيت الصورة بالالوان
حتى المشاهد بتتكلم بكل لسان
وتظهر اللوحة مرسومه بامر الله
ودى طبيعة الحياه ما تدّومش للانسان
,,,,,
فضلت انادى لكن حظى ماوفقنيش
وهو ّصوتى لكن يومها ما سمّعنيش
وخلاص فهمت الكلام وعرفت اخرتها
شوفت نهايتها وانا عاجز ومابيدّيش
,,,,,
انا قلت عارف قدر ربّى ومؤمن بيه
لكن فراق الاحبّه مرّ حاسس بيه
والصوره زكرى بتتكرّر بحكم القدر
واللى بينفع بشر لازم يخافوا عليه
,,,,,,
اللوحة عزّة علينا والقزاز مكسور
والدمعه جفّه ف عنيـنا والفؤاد محسور
والفرقه صعبه علينا بس نعمل ايه
واليوم لابد نلاقيه وعلى الجميع ح يدور
,,,,,
ياشجرة الدوم انا واخدك لرمز حبيب
مهما اختفيتى فى قلبى الصوره ما بتغيب
لكن امل وانزرع فى القلب جوايه
(دومى ) معايه ومكتوبنا قدر ونصيب
,,,,,,
برقيّة منىّ بتحيّه للتراب والطين
اللى بيحضن رفاة الحب والغاليين
ح نعيش على الحب ونكمّل مساعيكم
وربى بيكم ح يجمعنا فى يوم الدين
,,,,,,,
تحياتى
ولدك/سعدالشرقاوى