الشكر ليك دايم يا صوت ريفنا الصبــور
يا أول الناس اللى صرخت فى الطابـــور
يا أول الناس اللى نبشت فى المــــــغارة
و دورت على خرم إبرة لفج نـــــــــــور
***
يا أول الناس اللى هاجمت حكــــــــم زور
يا اللى زرعت الكلمة حلم فى أرض بـــور
و رويتها بالعرق الزكى نازل معطرجبهتك
و كافئتك الأرض بالورد اللى فايح بالعطور
***
يااللى رفضت رغيف مغمس بالهوان
يا اللى ماقلتش كل وقت و لـــــه أدان
يا بن البلد يا شهم يا صوت النخيـــل
سامعك بتهتف خلف منى بصوت شجى
آن الأوان
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس