اقتباس:
المشاركة الأصلية كتبت بواسطة علاء طه ياسين
حبيت مبقولشي لأه
وقلبي ف كل دقة
بيزيد إحساس ورقة
وكل مشاعره ليكي
... ...
حبيتك شهرزاد
حدوتة ف ليل حصاد
غاوية تلف البلاد
تقول للناس عليكي
... ...
حبيتك نبع صافى
وضمة حضن دافى
وشمس تقول عوافي
علي طلة من عنيكي
... ...
حبيتك حبة حبة
وف حضنك باستخبي
وأزهار المحبة
راشة العطر ف ايديكي
... ...
بابدأ يومي بحبك
واختم يومي بحبك
وباعيش بنبض قلبك
وباحسب عمري بيكي
...
..
.
علاء ياسين |
أخي 
علاء ياسين
يبدو أنه يتوجب عليّ في كل مرّة أدخل فيها رحابك :
أن أعتذر عن الغياب (ده انا بقيت ممل بجد)
أخي علاء
بساطة كلماتك تدل على أعمق معاني الحب ، حتى أنني تصورتها غنوة في حب مصر
و هذا من علامات التوفق : حين تكون المحبوبة معنىً ، لا شخصاً بعينه
تقبل إعجابي بما كتبت ، و محبتي و احترامي
__________________
أستغفِرُ الله العظيم وهو التوّاب الرحيم