منتدى سماعي للطرب العربي الأصيل - عرض مشاركة واحدة

**علاء طه ياسين** · #1 03/07/2009, 14h46

حبيت مبقولشي لأه
وقلبي ف كل دقة
بيزيد إحساس ورقة
وكل مشاعره ليكي
... ...
حبيتك شهرزاد
حدوتة ف ليل حصاد
غاوية تلف البلاد
تقول للناس عليكي
... ...
حبيتك نبع صافى
وضمة حضن دافى
وشمس تقول عوافي
علي طلة عنيكي
... ...
حبيتك حبة حبة
وف حضنك باستخبي
وأزهار المحبة
راشة العطر ف ايديكي
... ...
بابدأ يومي بحبك
واختم يومي بحبك
وباعيش بنبض قلبك
وباحسب عمري بيكي
...
..
.
علاء ياسين