الليالي سهرتها
كلمات / محمد حلاوة
ألحان / محمد الموجي
الليـــالي سهرتهـــــا و الدمــــــــوع حيَّـرتها
و انتظـــاري ع الليـــالي و اللي شفته منـَّـها
كل ده علشان جمالك
***
الليــــالي سهرتهــــــا ليلــــــة ورا ليلـــــــة
و يطـول حنينــي أعدَّهــا ما دام مفيش حيلة
و كــل ليلــة من الليـــالي أطــول من التانية
ما حد غيري يرضى بحالى في الحب يا دنيا
و انتظـــاري ع الليـــالي و اللي شفته منـَّـها
كل ده علشان جمالك
***
و الدمـــوع حيرتهــا م الوحدة و الحرمـــان
لجل الجمـــــال رخـَّصتها و دمع عيني هان
و كــل دمعــة من دموعـــي تطفـي شمــوع
و القلـب قال مـا بين ضلـوعي هات الدموع
و انتظـــاري ع الليـــالي و اللي شفته منـَّـها
كل ده علشان جمالك
***
و انتظـــاري ع الشجــــــــن علشـــانك انت
و إمتــى يصفــالي الزمــان ما تقوللــي إمتى
و كــل يـــوم من الشبــــاب لــو راح حــرام
و القلــــب من كتـــر العـــــذاب يدبــــل أوام
و انتظـــاري ع الليـــالي و اللي شفته منـَّـها
كل ده علشان جمالك