[أبوعبدالرحمن]

الغربة دى مش ترحال **** وفراق عن أهل الدار
مش نار ولهيب وفصال **** ولا هجر طويـــل غدار
شمس المهموم دموعه **** آهة المحروم ضلوعه
وان فكر تبقى قلوعه **** ستاير نسيان قدار

كتير م الناس بتتلاقى **** ودمع عيونها يتكلم
بشوق شفايف مشتاقة **** ينطق بحرقة ويتألم
تنزل رموش العينين **** تتمد بينا الإيدين
الهمس عطشان حنين **** والشوق محتاج نهار

دمعة بتحرق خدودى **** تتغلب على الجوارح
تنده للفرحة عودى **** وتسلم من همس جارح
لاف يوم قريت رسالة **** تسأل عن دمعى حالة
أو تحكيلى ف قوالة **** حتى كلام فيه مرار