اقتباس:
المشاركة الأصلية كتبت بواسطة سعدالشرقاوى
احسن فكره نجيب م الاخر
مش مستنىّ اى بديل
,,,
نتهم يوم فى الكم الواسع
مره نقول الكم طويل
,,,
جمّد قلبك شدّ معايا
واجيبها من فوق للديل
,,,,
ربنا يصبرك |
إنت شايل للدرجة دى يا عم سعد؟ هو أنا شكلى سادى و ديكتاتور ولا أيه؟ فى البيت و الشغل بيقولولى كده مش مصدقهم .... يا راجل و لا يهمك قول زى ما إنت عاوز ... إديها حرية
وسع كمك إوعى يهمك
تسلم إيدك يسلم فمك
***
ودع خوفك سِن حروفك
إوعى تخبى حاجة ف جوفك
***
لخبط شخبط قوم إتنطط
تبقى تخين و نقول دا مقطقط
***
ولا مرة قلمك راح يغلط
قفل الفصل و شِلنا المشرط
أيه رأيك بقى كده يا بكار المنتدى يا جميل و الله بحبك يا عم سعد و لولا عارف إنك ملو الهدمة الواسعة و مهما وسعت تملاها و تزينها ما كنت وصلت معاك لكده خالص
كانت هاتبقى مشاورة بسلام من البر التانى و سلام مراكبية زى عزومة المراكبية.
تحياتى يا عجوز
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس