[رامي شحاته]

انا من فترة متابع هذا المنتدي العظيم ال بعتبره اهم مهنتدي مهتم بالموسيقي في العالم العربي لما بيتمتع بيه من اعضاء اصحاب ذوق وحس راقي بالموسيقي بجميع انواعها دي بداية كان لابد منها خصوصا ان دي اول مشاركه ليا

واتشرف ان اول مشاركه ليا تكون في هذا التوبيك للفنان المبدع ال انا بعشقه شخصيا وهو راجح داود

احب اشكر الزميل ال جابلنا موسيقي بسكاليا لانها من اروع الموسيقي التصويريه في تاريخ السينما من ناحية التناغم مع العمل السينمائي والنص الادبي للاديب ابراهيم اصلان مالك الحزين ال مأخوذ عنها قصة فيلم الكيت كات واعد لها السيناريو المخرج داود عبد السيد

راجح داود نفسه حاله فنيه نادره منذ بدايته حتي الان ويشهد له بذلك اعماله خصوصا الصعاليك والكيت كات والبحر بيضحك ليه والراعي والنساء وحتي التلفزيوني منها لانه له ثلاث روائع هوانم جاردن سيتي والمحاربون مع دكتور عصام الشماع وموسيقي الجزء الاول من مسلسل رجل في زمن العولمه مع دكتور عصام الشماع ال استبدل في الجزء التاني بالموسيقار ياسر عبد الرحمن

للاسف راجح داود مقل في اعماله او مش بيحاول يستثمرها تجاريا في اسطوانات زي عمر خيرت وعمار الشريعي واعتقد ده بسبب ضعف علاقات مع المنتجين لكنها مشكله لمحبي الموسيقي الراقيه

اتمني بجد اني الاقي موسيقي فيلم الصعاليك ومسلسل المحاربون ورجل في زمن العولمه

وبعتذر للاطاله