الموضوع: عنيكى
عرض مشاركة واحدة
  #1  
قديم 10/06/2009, 16h27
الصورة الرمزية Tarek Elemary
Tarek Elemary Tarek Elemary غير متصل  
مواطن من سماعي
رقم العضوية:260181
  
تاريخ التسجيل: July 2008
الجنسية: مصرية
الإقامة: مصر
العمر: 59
المشاركات: 1,294
افتراضي عنيكى
عنيكى



عنيكى ...


و السؤال مابين عنيكى


و اللى عندى كمان سؤال


... ملهوف عليكى


ما أصعب الحال المحال


لما يبقى جواب سؤالى


مية سؤال ... من عنيكى


***


عنيكى دار ... مالهاش قرار


و أنا الأسير من غير قرار


يا نجم دار ... بره المدار


نورتى ليلى ... منهم يا ويلى


فين النهار؟


***


عنيكى جاوبت و إنتهى


و بقيتى إنتى المنتهى


خايف أكون زودتها


و مافيش رجوع ... بلاش دموع


يا نجمة طرت لمستها


يا هديتى و قبلتها


و بقيتى إنتى المنتهى


***


عنيكى فيها فرحتى ... ودنيتى


يا أحلى آخر سكتى


ضمى الرموش ... على دمعتى


يا معاد و عمرى ما نسيتوش


قابلينى بالوش البشوش


نسينى قسوة دنيتى


بعنيكى ... آخر فرحتى
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
رد مع اقتباس