هدية نجاحك مقدما يا ست عفاف
و تاخدنا الدنيا و تِلهِينا
و لا يوم على بر ترسينا
و رفعنا شراع مليان أوجاع
يمكن مولاك يلطف بينا
يا طريق مفروش غربة و توهان
طيفك بياخدنا لكل مكان
و لا نور فى الضلمة بيهدينا
و لا حضن يخفف م الأحزان
على فين يا زمان يا مفرقنا؟
و رامينا لحرقة أشواقنا
تِعِبِت أيامنا و ليالينا
حتى الكلمات مالهاش معنى
و نسينا الحب و حبايبنا
و نسينا السبب اللى تاعِبنا
و خَدِتنا الدنيا و أوهامها
و كاسها المر إحنا شرِبنا
من يوم ما الأحباب فارقونا
و أملنا يادوبك يلاقونا
و نعيد الأيام من تانى
و لا نبعد لو يوم شنقونا
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس